ក្រុម FC Barcelona បានខ្ចីជើងខ្សែប្រយុទ្ធវ័យ៣១ឆ្នាំ Luuk de Jong ពីក្រុម Sevilla មកជួយនៅតំបន់ខាងលើបន្ថែម បន្ទាប់ពីកីឡាករ Griezmann ចាកចេញទី Atletico Madrid ។
នៅនាទីចុងក្រោយនៃការដោះដូរកីឡាករយប់មិញនេះ ក្រុម Barcelona បានយល់ព្រមឱ្យកីឡាករ Griezmann ទៅក្រុម AT Madrid ខ្ចីជើង២រដូវកាលឯណោះ។ ខណៈដែលពួកគេវិញក៏បានទៅខ្ចីជើងកីឡាករ Luuk de Jong វ័យ៣១ឆ្នាំរបស់ក្រុម Sevilla មកជំនួសវិញ។ ការធ្វើបែបនេះ ត្រូវបានគេមើលឃើញថាដើម្បីបន្ថយការចំណាយទៅលើតម្លៃពលកម្មខ្លះ ព្រោះខ្សែប្រយុទ្ធបារាំងប្រាក់ពលកម្មខ្ពស់។
និយាយពីកីឡាករចំណូលថ្មី De Jong ខាងលើវិញ រូបគេមានសញ្ជាតិហុល្លង់ និងចូលរួមជាមួយក្រុម Sevilla កាលពីឆ្នាំ២០១៩កន្លងទៅ។ លេង២រដូវកាលកន្លងមកនេះ រូបគេរកបាន១០គ្រាប់ក្នុងការបង្ហាញខ្លួន៦៩ប្រកួត៕ប្រភព Goal
