ក្រុម Arsenal ទិញបានខ្សែការពារសញ្ជាតិជប៉ុនឈ្មោះ Takehiro Tomiyasu ពីក្រុម Bologna ក្នុងតម្លៃខ្លួនប្រមាណជា១៧លានផោន។
Tomiyasu អាចលេងបានច្រើនតំបន់ទាំងការពារកណ្ដាលក៏បាន ស្ដាំក៏បាន។ រូបគេបង្ហាញខ្លួនឱ្យក្រុម Bologna បាន៣១ប្រកួតដែរកាលពីរដូវកាលមុន និងរកបាន២គ្រាប់ ជួយក្រុមមួយនេះនៅលេខ១២ក្នុងលីគ Serie A ។ Spurs ក៏ចាប់អារម្មណ៍លើខ្សែការពារជប៉ុននេះដែរ ប៉ុន្តែត្រូវ Arsenal ឆក់យកបានមុនព្រោះហ៊ានតម្លៃខ្លួនដល់១៧លានផោន។
ក្រុមរបស់លោក Arteta បានពង្រឹងតំបន់ការពារច្រើនកន្លងមកនេះ ដោយទិញខ្សែការពារ២នាក់រូចទៅហើយ។ តែយ៉ាងណាលទ្ធផលហាក់មិនល្អប្រសើរទេនាដើមរដូវកាលនេះ ដោយពួកគេលេង៣ប្រកួតបើកឆាក ចាញ់ទាំង៣ប្រកួតតែម្ដង៕ប្រភព Dailymail
