ខ្សែប្រយុទ្ធ Antoine Griezmann បានផ្លាស់ទៅលេងឱ្យក្រុម Atletico Madrid ហើយក្នុងលក្ខខណ្ឌខ្ចីជើង២រដូវកាលពីក្រុម FC Barcelona ។
Griezmann ជាខ្សែប្រយុទ្ធមានតម្លៃពលកម្មខ្ពស់ម្នាក់ក្នុងក្រុម FC Barcelona ហើយក៏ស្ថិតក្នុងបញ្ជីកីឡាករត្រូវលក់ចេញផងដែរ។ តែដោយសារមិនមានក្លឹបណាទិញយក ទើបបានជាពេលនេះ AT Madrid បានចូលខ្លួនមកដើម្បីស្នើសុំខ្ចីជើងទៅលេងសិន។ ដោយពួកគេបានសម្រេចខ្ចីជើង២រដូវកាល ជាមួយការអាចទិញផ្ដាច់ផងដែរក្នុងតម្លៃ៤០លានអឺរ៉ូ។
ការយកអតីតខ្សែប្រយុទ្ធរបស់ខ្លួនត្រលប់ទៅវិញនេះ ក៏ព្រោះតែកីឡាករ Saul បានសម្រេចចិត្តចាកចេញពីក្រុម AT Madrid ហើយ ដោយផ្ទេរទៅលេងនៅក្រុម Chelsea ក្នុងលក្ខខណ្ឌខ្ចីជើងដែរ៕ប្រភព Dailymail
