ខ្សែប្រយុទ្ធវ័យក្មេង Manson Greenwood រកបាន១គ្រាប់ជួយក្រុមបិសាចក្រហម Manchester United យកឈ្នះលើក្រុម Wolves ក្នុងលទ្ធផល ១-០ ក្នុងការប្រកួតលីគកំពូលអង់គ្លេស។
សម្រាប់ការប្រកួតនៅយប់មិញនេះ ក្រុម Man Utd មានភាគរយលេងប្រហែលគ្នាជាមួយក្រុម Wolves ប៉ុណ្ណោះ បើទោះជាខំប្រឹងសម្រុកយ៉ាងណាក្ដីក៏មិនអាចទម្លុះសំណាញ់ទីបានដែរ។ ដោយការប្រកួតនេះត្រូវរង់ចាំដល់នាទី៨០ ឯណោះទើប Greenwood មានឱកាសស៊ុត១ជើងពេញ បញ្ចូលទីយកឈ្នះការប្រកួតតែម្ដង។ ចប់ការប្រកួត Wolves ០-១ Man Utd ។
រំលឹកថា Greenwood ជាយុវជនរបស់បិសាចក្រហម ដែលតែងតែជួយក្រុមជានិច្ចក្នុងការប្រកួតសំខាន់ៗ។ ជាក់ស្ដែងនៅប្រកួតយប់មិញនេះ ១គ្រាប់ដែលគេរកបានពិតជាសំខាន់សម្រាប់ក្រុមរបស់លោក Ole ដើម្បីយក៣ពិន្ទុក្នុងការប្រកួតសប្ដាហ៍ទី៣នេះណាស់៕ប្រភព៖ DailyMail
