ក្រុម Juventus បានចាប់អារម្មណ៍មកលើខ្សែប្រយុទ្ធ Eden Hazard របស់ក្រុម Real Madrid ដើម្បីយកទៅជំនួសកន្លែងរបស់ Cristiano Ronaldo ដែលចាកចេញទី Manchester United ។
នៅសល់កុងត្រា១ឆ្នាំចុងក្រោយ Ronaldo ក៏បានសម្រេចចិត្តចាកចេញពីក្រុម Juventus ទៅលេងឱ្យក្រុម Manchester United វិញក្នុងតម្លៃផ្ទេរ២០លានអឺរ៉ូ។ ក្រោយពីការចាកចេញរបស់ខ្សែប្រយុទ្ធឆ្នើមក្នុងក្រុមទៅ ពេលនេះ Juventus ក៏ត្រូវស្វែងរកខ្សែប្រយុទ្ធថ្មីមកបន្ថែមជាបន្ទាន់ផងដែរ។ ដោយពួកគេមើលឃើញ Hazard របស់ក្រុម Real Madrid ឯណោះ។
អតីតកីឡាករ Chelsea ខាងលើនេះលេងមិនបានល្អសោះឱ្យក្រុមអធិរាជសចាប់តាំងពីផ្លាស់មក។ រហូតមកដល់ពេលនេះបញ្ហារបួសនៅតែមានសម្រាប់គេ និងប្រភពខ្លះថាក្រុម Real Madrid ចង់លក់ចេញផងដែរ ដើម្បីយកកន្លែងឱ្យទៅ Kylian Mbappe ដែលក្លឹបកំពុងតាមទិញពី PSG ។ មើលឃើញស្ថានភាពបែបនេះហើយទើបបានជា Juventus ចាប់អារម្មណ៍លើ Hazard ៕ប្រភព Marca
