លោក Luis Enrique សង្ឃឹមថាបន្ទាប់ពីលោក Pep Guardiola ចាកចេញពីក្រុម Manchester City ទៅនៅឆ្នាំ២០២៣ លោកនឹងមកដឹកនាំក្រុមជម្រើសជាតិអេស្ប៉ាញ។
ដំណឹងរបស់លោក Pep ចាកចេញពីក្រុម Man City នៅឆ្នាំ២០២៣ពិតជាភ្ញាក់ផ្អើល ដោយសារតែលោកបញ្ជាក់ថាមានបំណងចង់ដឹកនាំក្រុមជម្រើសជាតិវិញ ដោយគ្រាន់តែមិនច្បាស់ថាក្រុមណាប៉ុណ្ណោះ។ ជាមួយរឿងនេះដែរ គេជឿជាក់ថា Pep ទំនងជាចង់ដឹកនាំក្រុមអេស្ប៉ាញហើយ ព្រោះក្រុមជម្រើសជាតិនេះក៏ធ្លាប់ទាក់ទងលោកទៅដឹកនាំដែរ។
លោក Luis Enrique គ្រូបង្វឹកក្រុមអេស្ប៉ាញបច្ចុប្បន្នបានបង្ហាញចំណាប់អារម្មណ៍ថាលោកក៏គិតដូចអ្នកគាំទ្រដែរ។ “Guardiola ជាគ្រូបង្វឹក? ខ្ញុំក៏ពេញចិត្តដែរ ខ្ញុំមិនគិតថាក្រុមអេស្ប៉ាញរកបានគ្រូបង្វឹកល្អជាងនេះទេ។ ខ្ញុំច្បាស់ថាគាត់នឹងក្លាយជាគ្រូបង្វឹកជម្រើសជាតិអស្ចារ្យម្នាក់”៕ប្រភព Marca
