ក្លឹប Liverpool ចង់យកអតីតគ្រូបង្វឹកអ្នកចាំទីរបស់ក្រុម Manchester United មកធ្វើការជាមួយ បន្ទាប់ពីមើលឃើញការងារធ្វើបានល្អនៅសហព័ន្ធបាល់ទាត់អង់គ្លេស។
លោក Jack Robinson ជាអតីតគ្រូបង្វឹកអ្នកចាំទីរបស់ក្រុមបិសាចក្រហម ហើយបច្ចុប្បន្ននេះកំពុងធ្វើការឱ្យសហព័ន្ធកីឡាបាល់ទាត់អង់គ្លេស។ ឃើញធ្វើការងារបានល្អ ពេលនេះក្រុម Liverpool បានដាក់សំណើចង់បានលោក Jack មកធ្វើការជាមួយហើយ ដើម្បីមកណែនាំនិងចែករំលែកបទពិសោធឱ្យអ្នកចាំទីក្រុមហង្សក្រហម។
ពេលនេះ គ្រូបង្វឹកអ្នកចាំទីរបស់ក្រុម Liverpool គឺលោក Achterberg ដែលនឹងធ្វើការយ៉ាងជិតស្និទ្ធជាមួយអ្នកចាំទី Alisson។ ស្របពេលដែលការងារច្រើន លោកមិនមានពេលសម្រាប់ទៅបង្ហាត់អ្នកចាំទីដទៃទៀតឡើយ ដូចជាក្រុមថា្នលយុវជនជាដើម ទើបតម្រូវឱ្យក្លឹបត្រូវស្វែងរកគ្រូបង្វឹកអ្នកចាំទីបន្ថែមទៀត។ ខណៈ ដែលពួកគេបានមើលឃើញលោក Jack នេះ ព្រោះលោកបានធ្វើការជាមួយក្រុមបិសាចក្រហមដល់ទៅ៧ឆ្នាំ ឯណោះ។ បទពិសោធលោក Jack គឺធ្លាប់បង្ហាត់បង្រៀនអ្នកចាំទីល្បីៗជាច្រើនដូចជា Edwin van der Saar និង David de Gea ជាដើម៕ប្រភពTelegraph
