Hugo Lloris  ​ជាប់​ពិន័យ​២០​ខែ ​មិន​ឱ្យ​បើក​ឡាន ​និង​ប្រាក់​៥​ម៉ឺន​ផោន

Hugo Lloris ​អ្នក​ចាំ​ទី​របស់​ក្រុម Spurs ​ត្រូវ​បង់​ពិន័យ​៥​ម៉ឺន​ផោន ​និង​ជាប់​បម្រាម​ហាម​បើក​បរ​២០​ខែ​ទៀត ​ក្រោយ​ពី​រូបគេ​បើកបរ​ខុស​ច្បាប់ ទាំង​មាន​ជាតិ​ស្រវឹង​ក្នុង​ខ្លួន។

រឿង​របស់​អ្នក​ចាំទី​វ័យ​៣១​ឆ្នាំ​ខាង​លើ​នេះ ​ត្រូវ​បាន​កាត់​ក្ដី​រួច​ស្រេច​ហើយ​នៅ​តុលាការ​ Westminster Magistrates។ ដោយ​រូបគេ​បាន​សារភាព​ទទួល​ស្គាល់​កំហុស​របស់​ខ្លួន ​និង​ព្រម​ទទួល​ពិន័យ​តាម​ការ​ពិន័យ​ទាំង​អស់។ ចំពោះ​ការ​

ពិន័យ​នោះ គឺ​តម្រូវ​ឱ្យ​កីឡាករ​ជម្រើស​ជាតិ​បារាំង​រូប​នេះ ​បង់​ពិន័យ​ជា​លុយ​៥​ម៉ឺន​ផោន និង​ជាប់​បម្រាម​ហាម​បើក​បរ​២០​ខែ​ថែម​ទៀត។

សូម​បញ្ជាក់​ថា​ប៉ូលិស​បាន​ឃាត់​ខ្លួន  Lloris ​នៅ​ថ្ងៃ​ទី​២៤ ខែ សីហា ឆ្នាំ ២០១៨។ ​ក្រោយ​ពី​រូបគេ​បាន​បើកបរ​ទាំង​សភាព​ស្រវឹង ​និង​រ៉េ​ចង្កូត​ទៅ​ប៉ះ​ឡាន​គេ​​ដែល​ចត​ចោល​ផង​ដែរ។ ក្រោយ​ពី​ឃាត់​ខ្លួន​រូបគេ​មាន​ជាតិ​អាកុល​៨០​

មីក្រូក្រាម ​ខណៈ​ដែល​កម្រិត​ដែល​មិន​ជាប់​ទោស​មាន​ត្រឹម​៣០​មីក្រូក្រាម​ប៉ុណ្ណោះ៕ប្រភពBBC

ភ្ជាប់ទំនាក់ទំនងជាមួយ CTS SPORT