Thomas Tuchel អ្នកចាត់ការក្រុម PSG បានបង្ហើបថាអ្នកចាំទី Alphonse Areola ដើមកំណើតហ្វីលីពីន អាចនឹងទទួលបានតំណែងដៃទី១ មិនមែន Buffon នោះទេ។
អ្នកចាំទីវ័យ២៥ឆ្នាំខាងលើ កំពុងបង្ហាញសមត្ថភាពបានល្អ មិនត្រឹមតែលេងនៅ PSG នោះទេ ពោលគឺសូម្បីតែនៅជម្រើសជាតិបារាំង ដែលរូបគេជាប់ឈ្មោះនោះក៏រូបគេធ្វើបានល្អដែរ។ ជាក់ស្ដែងការប្រកួតទល់ក្រុមអាល្លឺម៉ង់ Areola
បានសង្គ្រោះបាល់ច្រើនមែនទែន។ ដោយសារតែកត្តាសមត្ថភាពនេះហើយ បានជានៅក្លឹប PSG រូបគេក៏ជាបេក្ខភាពដណ្ដើមយកដៃទី១ ពីអ្នកចាំទីចាស់វស្សា Gianluigi Buffon ផងដែរ។
លោក Tuchel បាននិយាយម្សិលមិញនេះថា៖ “បាទ! ខ្ញុំជ្រើសយក Areola ជាជម្រើសទី១ ប៉ុន្តែមិនមែនរហូតនោះទេ។ គាត់ជាមនុស្សសំខាន់សម្រាប់ក្រុម និងមានឱកាសបានជាប់ជាដៃទី១ជានិច្ច។ គាត់ចេញពីក្រុមយុវជន។ PSG បានផ្ដល់
គ្រប់យ៉ាងដល់គាត់។ ហើយគាត់ពិតជាចង់ជួយក្រុមនេះណាស់! នេះជាអ្វីដែលយើងចង់បានពីកីឡាករគ្រប់គ្នា”៕ប្រភពDailyMail