ខ្សែកាពារ Gerard Pique បានបញ្ជាក់ថាក្រុម FC Barcelona នឹងមិនដូចមុននោះទេ នៅពេលកីឡាករល្អបំផុតក្នុងប្រវត្តិសាស្ត្រត្រូវចាកចេញទៅ។
Messi បានចាកចេញពីក្រុម FC Barcelona ហើយ ក្រោយពីមិនអាចបន្ដកុងត្រាថ្មីបាន។ ដំណឹងនៃការចាកចេញនេះ បានធ្វើឱ្យគ្រប់គ្នាភ្ញាក់ផ្អើលជាខ្លាំង។ ដោយសូម្បីតែកីឡាករក្នុងក្រុម Barcelona ផ្ទាល់ក៏មិនចង់ជឿផងដែរ ថានឹងមានរឿងនេះកើតឡើង ព្រោះ Messi ជាកីឡាករល្អបំផុតលើលោកហើយ មិនគួរណាត្រូវចាកចេញពីក្រុមបែបនេះទេ។
ដោយឡែកសម្រាប់ Pique ដែលធ្លាប់លេងជាមួយ Messi ជាច្រើនឆ្នាំមកហើយនោះបាននិយាយដែរថា៖ “អ្នកនឹងមិនដូចមុនទៀតនោះទេជាមួយទេពកោសល្យនិងភាពអស្ចារ្យកន្លងមក នៅពេលកីឡាករល្អបំផុតបានចាកចេញទៅ។ អ្នកបានបាត់ខ្សែប្រយុទ្ធសំខាន់ម្នាក់ ដែលផ្ដល់ឱ្យអ្នកនូវគ្រាប់បាល់ជាច្រើន និងការបញ្ជូនបាល់ជាច្រើន ប៉ុន្តែអ្នកក៏ត្រូវតែបន្ដប្រកូតប្រជែងទៀតដែរ”៕ប្រភព Marca
