ក្រុមបាល់ទាត់ជម្រើសជាតិបែលហ្សិក នៅតែធ្វើបានល្អដដែល ដោយបានយកឈ្នះលើក្រុមអ៊ីស្លង់ក្នុងលទ្ធផល
៣-០ ពានរង្វាន់ UEFA Nation League ។
៣គ្រាប់របស់បែលហ្សិកនេះ ធ្វើបានដោយ Eden Hazard ១គ្រាប់ និង Lukaku ២គ្រាប់។
វាជាជ័យជម្នះផ្ទួនគ្នារបស់បែលហ្សិក ក្រោយពីប្រកួតមុនពួកគេបានយកឈ្នះលើក្រុមស្កុតឡែនក្នុងលទ្ធផល ៤-០។
មួយវិញទៀត ជ័យជម្នះនេះ ក៏បានបញ្ចប់កំណត់ត្រាមិនចាញ់ក្នុងដី១៣ប្រកួតកន្លងមករបស់អ៊ីស្លង់ផងដែរ។
អ៊ីស្លង់ចាប់ផ្ដើមលេងមិនល្អ ក្រោយពីគ្រូបង្វឹកចាស់របស់ខ្លួន ដែលធ្លាប់ធ្វើជាពេទ្យធ្មេញនោះបានចាកចេញទៅ
ប្រកបអាជីពចាស់របស់ខ្លួនវិញ។ សហព័ន្ធបាល់ទាត់អ៊ីស្លង់បានតែងតាំងលោក Erik Hamren ធ្វើជាគ្រូបង្វឹកថ្មី
ហើយឆ្លងកាត់២ប្រកួតមកនេះ ពួកគេមិនទាន់ស្គាល់ពាក្យថាឈ្នះនោះទេ៕ប្រភពDailyMail