ក្រោយពីទទួលបានការចុះកិច្ចព្រមព្រៀងថ្មីជាមួយដៃគូ CVC Capital នៅពេលថ្មីៗនេះ La Liga ក៏បានបាញ់បញ្ចូលសាច់ប្រាក់រហូតដល់ ២,៧ពាន់លានអឺរ៉ូទៅក្លឹបទាំងអស់ដើម្បីស្រោចស្រង់អំឡុងពេលកូវីដ១៩នេះ។
La Liga បានប្រឹងប្រែងដើម្បីធ្វើការងារនេះ១ឆ្នាំមកហើយ រហូតដល់សម្រេចបានកិច្ចព្រមព្រៀងជាមួយក្រុមហ៊ុន CVC នេះ។ ជាមួយការវិនិយោគនេះ សាច់ប្រាក់រាប់ពាន់លានអឺរ៉ូនឹងត្រូវបាញ់បញ្ចូលទៅឱ្យក្លឹបបាល់ទាត់ទាំងអស់នៅ La Liga ។ ជាក់ស្ដែង ប្រាក់២,៧លានអឺរ៉ូ បានចាត់ចែងរូចជាស្រេចហើយដើម្បីចែកទៅតាមភាគរយរបស់ក្លឹបដែលនឹងត្រូវទទួល។ ដោយចំនួននេះ ១៥%នៃប្រាក់ដែលក្លឹបទទួលបាន ពួកគេអាចយកទៅទិញកីឡាករថ្មីចូលបាន ខណៈដែល៨៥%ទៀត ត្រូវជួសជុលទីលាន និងហេដ្ឋារចតនាសម្ព័ន្ធនានា។
ដោយចំណែកនេះ ក្រុម Barcelona នឹងទទួលបាន ២៧០លានអឺរ៉ូ ក្រុម Real Madrid នឹងទទួលបាន២៦១លានអឺរ៉ូ។ ប្រាក់ទទួលបាននេះ នឹងធ្វើឱ្យក្រុម Barcelona អាចចុះកុងត្រាជាមួយ Messi បានយ៉ាងងាយស្រួល ហើយក្រុម Real Madrid ក៏ទំនងជានឹងអាចដេញថ្លៃយក Mbappe មកផងដែរ៕ប្រភព Marca
