Lionel Messi បានបញ្ចប់វិស្សមកាលនៅឯកោះ Ibiza ប្រទេសអេស្ប៉ាញ ហើយត្រលប់មកទីក្រុង Barcelona វិញហើយ ដោយក្លឹប Barcelona ក៏ជឿជាក់ថា ពេលវេលាបន្តកុងត្រាថ្មីរបស់លោកត្រូវឈានចូលមកដល់ផងដែរ។
តាមសារព័ត៌មាន Mundo Deportivo ចុះផ្សាយថា កិច្ចព្រមព្រៀងកុងត្រាថ្មី កំពុងស្ថិតលើដំណើរការកៀកនឹងសម្រេច ហើយនៅសល់តែឯកសារមួយចំនួនដែលត្រូវពិនិត្យនិងចុះកុងត្រាប៉ុណ្ណោះ។ ប្រភពបានសង្កត់ធ្ងន់ថា M10 នឹងប្រកាសកុងត្រាថ្មីនៅថ្ងៃព្រហស្បតិ៍ ឬអាចឈានចូលព្រឹកថ្ងៃសុក្រស្អែក [ម៉ោងនៅកម្ពុជា]។
បញ្ជាក់ថា បើដូចការគ្រោងទុកនោះកីឡាករអាហ្សង់ទីនក៏ទំនងជាមានវត្តមាននៅការប្រកួតទល់ក្លឹបJuventus នៅព្រឹត្តិការណ៍ Gamper Trophy ផងដែរ។ ដូច្នេះហើយការប៉ះគ្នារវាង M10 និង CR7 ប្រហែលជាអាចកើតឡើងសារជាថ្មី ក្រោយខកខានអស់រយៈពេលជិត ១ ឆ្នាំកាលពីនៅ UEFA Champions League៕
ប្រភព៖ Mundo Deportivo