ខ្សែការពារ Gerard Pique មានទំនុកចិត្តខ្ពស់ថាមិត្តរួមក្រុម Lionel Messi នឹងយល់ព្រមបន្ដកុងត្រាជាមួយក្រុម FC Barcelona ទៀតនាពេលខាងមុខនេះ។
Messi បានផុតកុងត្រាតាំងពីថ្ងៃ៣០ខែមិថុនាឆ្នាំ២០២១នេះម្ល៉េះ ហើយរហូតមកដល់បច្ចប្បន្ននេះក្រុម FC Barcelona នៅតែតាមជាប់ និងព្យាយាមបញ្ចុះបញ្ចូលដើម្បីឱ្យរូបគេបន្ដកុងត្រាថ្មី។ រហូតដំណឹងចុងក្រោយនេះថាកីឡាករអាហ្សង់ទីនបានយល់ព្រមហើយ ជាមួយកុងត្រាថ្មី៥ឆ្នាំ និងកាត់ប្រាក់ឈ្នួលពាក់កណ្ដាល។ តែការមកចុះកុងត្រាផ្លូវការនៅមិនទាន់កើតឡើងទេ។
អំឡុងពេលចាំនេះ Gerard Pique បាននិយាយថា៖ “យើងកំពុងរង់ចាំគាត់ដើម្បីមកចុះកុងត្រាថ្មី ហើយមានគាត់ជាមួយក្រុមយើងនៅរដូវកាលក្រោយ។ ខ្ញុំសង្ឃឹមថាគាត់នឹងមានភាពជឿជាក់មកម្ដងទៀត”៕ប្រភព Marca
