កំពូលអ្នកវាយកូនបាល់ Novak Djokovic បានបរាជ័យមិនអាចឡើងវគ្គផ្ដាច់ព្រ័ត្រដណ្ដើមមេដាយមាសអូឡាំពិកបានទេ បន្ទាប់ពីលោកចាញ់កីឡាករអាល្លឺម៉ង់ Alexander Zverev ក្នុងលទ្ធផល ២-១។
បរាជ័យនេះពិតជាធ្វើឱ្យ Djokovic សោកស្ដាយខ្លាំងមែនទែន ត្បិតអីលោកបាននាំមុខមុនទៅហើយ ប៉ុន្តែបែរជាឱ្យ Zverev តាមពីក្រោយនិងយកឈ្នះខ្លួនបានទៅវិញ។ ក្នុងនាមជាអ្នកមានចំណាត់ថ្នាក់លេខ១លើលោកលើប្រភេទកីឡាវាយកូនបាល់នេះ កីឡាករសែបបានបញ្ជាក់ថាវានឹងក្លាយជាសុបិនអាក្រក់សម្រាប់រូបគេជាប់ជានិច្ចមិនខាន។
យ៉ាងណាមិញ កីឡាករវ័យ៣៤ឆ្នាំខាងលើក៏រំពឹងថានឹងអាចដណ្ដើមបានមេដាយសំរឹទ្ធជូនជាតិវិញផងដែរ។ ដោយការបានមេដាយជូនជាតិមួយនឹងធ្វើឱ្យរូបគេអាចកាត់បន្ថយអារម្មណ៍មិនល្អរបស់ខ្លួនបានវិញខ្លះ៕ប្រភព Marca
