UEFA Goal of The Season ជាគ្រាប់បាល់ល្អបំផុតប្រចាំរដូវកាលរបស់ UEFA ទីបំផុតបានប្រកាសរកឃើញអ្នកឈ្នះហើយ នោះគឺបានទៅលើខ្សែប្រយុទ្ធ Mehdi Taremi ដែលគេបានស៊ុតទល់ក្រុមតោខៀវ Chelsea។
វិលទៅវគ្គ ៨ ក្រុមកាលពីរដូវកាល ២០២០/២១ នៅថ្ងៃទី ១៣ មេសា ក្រុមព័រទុយហ្គាល់ Porto ត្រូវតតាំងតោខៀវ Chelsea ហើយនៅជើងទី ២ កីឡាករ Taremi បានបង្កើតគ្រាប់បាល់ដ៏អស្ចារ្យមួយ តាមរយៈបច្ចេកទេសផ្កាប់ចានស៊ុតបាល់បញ្ចូលទី ហើយនៅសំឡេងគាំទ្រសរុប ៦០ ០០០ សំឡេង គឺគេទទួលបានដល់ទៅ ៣០ ភាគរយឯណោះ។
ទស្សនាវីដេអូខាងក្រោម៖
គួរបញ្ជាក់ថា គ្រាប់បាល់របស់ Taremi ក៏បានយកឈ្នះនៅបេក្ខភាព ៩ រូបឯទៀតមានដូចជា គ្រាប់បាល់របស់ Insigne នៅ Euro 2020, គ្រាប់បាល់របស់ Dele Alli នៅ Premier League និងគ្រាប់បាល់របស់ Paul Pogba ក៏ដូចជា Patrick Schick នៅ Euro 2020 ជាដើម។ ការវាយតម្លៃគ្រាប់បាល់ល្អបំផុត គឺជ្រើសរើសផ្អែកតាមសំឡេងអ្នកគាំទ្រជាធំ ហើយរាប់ព្រឹត្តិការណ៍នៅអឺរ៉ុបទាំងអស់ មិនថាតែបាល់ទាត់ផ្នែកបុរសនិងនារី៕
ប្រភព៖ UEFA