“MMA Sister” Lin Heqin នឹងត្រូវធ្វើការធ្ងន់នៅពេលជួបខ្លាញីឥណ្ឌា Ritu “The Indian Tigress” Phogat ក្នុងព្រឹត្តិការណ៍ផ្សាយផ្ទាល់ ONE: BATTLEGROUND នាថ្ងៃសុក្រ ទី៣០ ខែកក្កដានេះ។ យ៉ាងណា គេសង្ឃឹមថា នាងអាចយកឈ្នះកីឡាការិនីឥណ្ឌាបានដោយផ្អែកលើហេតុផលសំខាន់៥យ៉ាងណា។
ទី១៖ ជ័យជម្នះ១១លើកជាប់គ្នាផ្តល់ឲ្យនាងជឿជាក់លើខ្លួនឯង
នាង Lin Heqin នឹងដើរចូលសង្វៀនជាលើកទី២ បន្ទាប់ពីប្រកួតលើកទី១បានឃ្លេដៃគូនាង Jomary Torres ឲ្យចុះចាញ់។ សរុបការប្រកួតគុនចម្រុះនាងទទួលបានជ័យជម្នះ១១លើកជាប់គ្នា និងមិនទាន់ស្គាល់រស់ជាតិចាញ់ឡើយគិតចាប់តាំងពីឆ្នាំ២០១៦។ ប្រការនេះធ្វើឲ្យនាងមានបទពិសោធគ្រប់គ្រាន់ និងជឿជាលើសមត្ថភាពខ្លួនឯងដើម្បីផ្តួលកីឡាការិនីឥណ្ឌា។
ទី២៖ នាងជាអ្នកជំនាញកីឡាសាន់ដាម្នាក់
Lin បានចាប់ផ្តើមវិថីកីឡាដំបូងជាមួយកីឡាសាន់ដា និងបានស្គាល់ការប្រកួតឈ្នះ៧ដង និងចាញ់តែ១ដងប៉ុណ្ណោះ។ ក្នុងពេលនោះ នាងបានឈ្នះជើងឯកថ្នាក់តំបន់មួយនៅស្រុកកំណើត និងស្ថិតនៅចំណាត់ថ្នាក់លេខ៥ក្នុងការប្រកួតជើងឯកថ្នាក់ជាតិចិន។ ជំនាញសាន់ដាទាំងនោះហើយជាមូលដ្ឋានគ្រឹះដ៏សំខាន់ដែលបោះជំហានចូលប្រដាល់គុនចម្រុះអាជីព។ ជាពិសេសនាងត្រូវបានគេស្គាល់ថា ពូកែទាត់ ហើយអាចទាត់បានល្អគ្រប់ទឹកតែម្តង។
៣៖ នាងនឹងមានប្រៀបចម្ងាយអាវុធវ៉ៃចូល
កីឡាការិនីចិនកំពុងហាត់នៅក្លឹប Hasheng MMA ត្រូវបានគេដឹងថា ពូកែវ៉ៃកណ្តាប់ដៃបានឆ្ងាយ។ ស្របពេលកម្ពស់ ១.៦៧ម៉ែត្រ នាងមានកម្ពស់ខ្ពស់ជាង Phogat ១១សង់ទីម៉ែត្រ ដូច្នេះនាងកាន់តែចេញកណ្តាប់ដៃបានល្អ។ ម្យ៉ាងទៀត កីឡាការិនីឥណ្ឌាដែលជាដៃគូបានស្គាល់បរាជ័យលើកដំបូងក្នុងអាជីពរបស់នាងដោយសារកីឡាការិនីចិនពូកែកណ្តាប់ដៃ។
ទី៤៖ នាងពូកែបញ្ចប់ដៃគូ
សម្រាប់ជ័យជម្នះ១១លើកជាប់គ្នា Lin បានបញ្ឈប់ដៃគូរហូតដល់៧លើក ហើយសុទ្ធតែនៅក្នុងទឹកទី១។ ក្នុងចំណោមនេះ នាងផ្តួលដៃគូឲ្យសន្លប់បាន៧លើក និងឈ្នះដោយក្បាច់ឃ្លេឲ្យចុះចាញ់១លើក។ ដូច្នេះគ្មានអ្វីដែលត្រូវឆ្ងល់ទេដែលនាងគឺជាកីឡាការិនីពូកែបញ្ចប់ដៃគូ ហើយនឹងក្លាយជាផ្ទាំងថ្មដ៏ធំនៅចំពោះមុខខ្លាញីឥណ្ឌា។
ទី៥៖ នាងឆ្លងកាត់ដៃគូខ្លាំងៗច្រើនហើយ
ងាកទៅឆ្នាំ២០១៥ Lin បានប្រកួតគុនចម្រុះអាជីពលើកដំបូងចាមួយមិត្តរួមជាតិ Meng Bo ហើយពេលនោះថ្មីសុទ្ធសម្រាប់នាង ប៉ុន្តែនៅតែអាចប្រើជំនាញរប្តូរជាមួយមិត្តរួមជាតិបានយ៉ាង បើទោះជាចុងបញ្ចប់នាងចាញ់ពិន្ទុ។ ចាប់តាំងពីពេលនោះមក នាងបានប្រកួតជាមួយដៃគូល្អ និងខ្លាំងៗមកពីជប៉ុន រុស្ស៊ី ប្រេស៊ីល អាមេរិក និងអ៊ុយក្រែន។ បទពិសោធទាំងនេះគ្រប់គ្រាន់សម្រាប់នាងយកឈ្នះខ្លាញីឥណ្ឌាដែលជំនាញចំបាប់៕