ខ្សែការពារ Raphael Varane បានសម្រេចចូលរួមជាមួយក្រុមបិសាចក្រហម Manchester United ជាផ្លូវការហើយក្នុងតម្លៃខ្លួន៤២លានផោនពីក្រុម Real Madrid ។
Varane នៅសល់កុងត្រា១ឆ្នាំជាមួយក្រុម Real Madrid ហើយក្រុមការងារក្លឹបនៅអេស្ប៉ាញនេះក៏បានព្យាយាមចរចាបន្ដកុងត្រាថ្មីដែរ ប៉ុន្តែត្រូវសាមីខ្លួនច្រានចោល។ រហូតដល់ក្រុម Man Utd ចូលខ្លួនចរចាទិញរូបគេយក រហូតបានសម្រេចជាមួយតម្លៃខ្លួន៤២លានផោនប៉ុណ្ណោះ ព្រោះកុងត្រារបស់គេនៅសល់ត្រឹម១ឆ្នាំនៅទឹកដី Bernabue ។
យ៉ាងណាមិញ ការបង្ហាញខ្លួននៅមិនទាន់កើតមានឡើងទេ ព្រោះត្រូវរង់ចាំពិនិត្យសុខភាពសិន។ ដោយអាចនឹងធ្វើឡើងនៅចុងសប្ដាហ៍នេះតែម្ដង។ ខ្សែការពារបារាំងខាងលើនេះ បានលេងឱ្យក្រុមReal Madrid ១០រដូវកាល និងឈ្នះពានរង្វាន់ដល់ទៅ១៨ពានផងដែរ៕ប្រភព Marca
