Ashley Cole អតីតខ្សែការពារក្រុមតោខៀវ Chelsea បានការងារក្នុងវិស័យបាល់ទាត់ហើយ ដោយក្លាយជាគ្រូជំនួសក្រុមយុវជនក្រោមអាយុ២១ឆ្នាំរបស់អង់គ្លេស។
អតីតខ្សែការពារអង់គ្លេសខាងលើនេះ នឹងចូលរួមជាមួយក្រុមការងារគ្រូបង្វឹក U21 ដោយលោកធ្វើ part time ប៉ុណ្ណោះនៅរដូវកាលក្រោយនេះ។ វាជាជំហានមួយសម្រាប់ Cole បន្ទាប់ពីធ្វើការជាអ្នកអត្ថាធិប្បាយបាល់ទាត់ជាច្រើនឆ្នាំមកនេះ។
សហព័ន្ធបាល់ទាត់អង់គ្លេស គ្រោងនឹងប្រកាសដំណឹងខាងលើឆាប់ៗនេះ ដើម្បីឱ្យ Cole បានចូលរួមការងារក្នុងក្រុម U21 ហើយក៏ត្រូវជ្រើសរើសកីឡាករដើម្បីចូលលេងវគ្គជម្រុះ European Championship នៅរ៉ូម៉ានីចុងឆ្នាំផងដែរ។ Cole ក៏ធ្លាប់ធ្វើការនៅក្នុងក្រុមយុវជន Chelsea ក្រោមអាយុ១៨ឆ្នាំ និងបច្ចុប្បន្ននេះលោកកាន់ UEFA Pro License ។ បុរសវ័យ៤០ឆ្នាំខាងលើ នឹងដើរតាមគន្លងរបស់ Lampard និង John Terry៕ប្រភព Dailymail
