ក្រុមតោខៀវ Chelsea កំពុងបើកការចរចាជាមួយក្រុម Sevilla ទាក់ទងទៅនឹងការផ្ទេរខ្សែការពារ Jules Kounde ក្នុងតម្លៃខ្លួនប្រមាណ៦៨លានផោន។
កីឡាករបារាំងដែលមានវ័យ២២ឆ្នាំខាងលើនេះនៅសល់កុងត្រាជាមួយក្រុម Sevilla ៣ឆ្នាំទៀត និងមានតម្លៃផ្ដាច់កុងត្រាជាង៦៨លានផោន។ យ៉ាងណាមិញ ក្រុមតោខៀវ ជឿជាក់ថាពួកគេអាចចរចាយក Jules បាន ដោយអាចនឹងផ្ដល់ប្រាក់បូកជាមួយកីឡាករ Kurt Zouma បន្ថែមទៅឱ្យ Sevilla ទៀត។ តែខាងក្រុម Sevilla វិញ ពួកគេមិនចង់ដោះដូរកីឡាករទេ ដោយចង់បានលុយសុទ្ធតែម្ដង។
Jules Kounde ត្រូវបានក្រុម Manchester City និង Manchester United តាមទិញផងដែរកាលពីពេលកន្លងទៅ ប៉ុន្តែដោយសារតម្លៃខ្លួនរបស់គេខ្ពស់ពេកក្នុងនាមជាខ្សែការពារ ទើបបានជាក្លឹបទាំងពីរដកខ្លួនទៅ។ ដោយពេលនេះ ក្រុមរបស់លោក Thomas Tuchel ជាអ្នកចូលខ្លួនចរចាវិញម្ដង៕ប្រភព Dailymail
