នៅព្រឹត្តិការណ៍កីឡាអូឡាំពិករដូវក្តៅ ក្នុងទីក្រុងតូក្យូ ឆ្នាំ ២០២១ មានវិញ្ញាសាចំនួន ៣៣ ផ្សេងៗពីគ្នា ហើយមានអត្តពលិកជាង ១១ ០០០ នាក់បានមកចូលរួម។ យ៉ាងណានៅរយៈពេលប៉ុន្មានថ្ងៃចុងក្រោយ យើងឃើញថាអ្នកគាំទ្រ ជាពិសេសបុរសៗ ហាក់ផ្ទុះការចាប់អារម្មណ៍ខ្លាំងទៅលើអត្តពលិកផ្នែកនារី ៣ រូប ដែលមានសម្រស់ស្រស់ស្អាតដាច់គេ ហើយមានទាំងនៅប៉ែកអាស៊ីនិងអឺរ៉ុប។
ក្នុងនោះមានដូចជាអត្តពលិកផ្នែករត់ប្រណាំង Alica Schmmidt អត្តពលិកផ្នែកលោត Ami Kodama និងអត្តពលិកផ្នែកបាញ់ធ្នូ Tzuyu។ យើងបង្ហាញរឿងរ៉ាវមួយចំនួនពីអ្នកទាំងបីដូចតទៅ៖
៣) អត្តពលិកវិញ្ញាសាលោតវែង Ami Kodama
នាងជាអត្តពលិកផ្នែកកីឡាលោតវែង ដោយនៅព្រឹត្តិការណ៍អូឡាំពិកក្នុងប្រទេសកំណើតសារនេះ នាងទទួលបានចំណាត់ថ្នាក់លេខ ៥។
Kodama ក្រៅពីមានទេពកោសល្យខាងផ្នែកកីឡា ទៅមើលរូបសម្រស់របស់នាងក៏មិនណយនោះដែរ ហើយបានឆក់យកបេះដូងអ្នកប្រើប្រាស់បណ្ដាញសង្គមជាច្រើន។ ដោយបុរសខិលខ្លះថែមទាំងនិយាយថា៖ “នៅអូឡាំពិកនាងអាចបានលេខ ៥ តែនៅក្នុងបេះដូងខ្ញុំ Kodama តែងតែស្ថិតនៅលេខ ១ និងឈ្នះមេដាយមាសជានិច្ច”។
២) អត្តពលិកវិញ្ញាសារត់បណ្ដាក់ Alica Schmidt
ប្រិយមិត្តអ្នកតាមដានទំព័រ CTS Sports ប្រហែលជាបានស្គាល់រួចមកហើយ នៅគ្រូបង្វឹកកាយសម្បទានៅក្លឹប Borussia Dortmund ដែលមានវ័យទើបតែ ២២ ឆ្នាំ។ នាងក៏ធ្លាប់ជាប់ឈ្មោះជាអត្តពលិកដែលមានរូបរាងស៊ិចស៊ីបំផុតផងដែរ។
នៅអូឡាំពិកសារនេះ កីឡាការនីសញ្ជាតិអាល្លឺម៉ង់ កាន់តែទទួលបានការគាំទ្រនិងចាប់អារម្មណ៍ខ្លាំងពីអ្នកប្រើប្រាស់បណ្តាញសង្គម។ លើសពីរូបសម្រស់ដ៏ស្រស់ស្អាត Alica ក៏ធ្លាប់បង្កើតសមិទ្ធផលជោគជ័យជាច្រើនកាលពីអតីតកាល ដោយកាលពីឆ្នាំ ២០១៧ នាងធ្លាប់ឈ្នះមេដាយប្រាក់នៅព្រឹត្តិការណ៍ប្រចាំតំបន់អឺរ៉ុបក្រោមអាយុ ២០ ឆ្នាំ ហើយនៅឆ្នាំ ២០១៩ ឈ្នះមេដាយសម្រិត សម្រាប់ផ្នែកក្រោមអាយុ ២៣ ឆ្នាំ។
១) អត្តពលិកវិញ្ញាសាបាញ់ធ្នូ Tzuyu
Tzuyu ជាសមាជិកក្រុមបាញ់ធ្នូឈ្មោះថា Twice ហើយនាងជាកីឡាការនីដែលមានដើមកំណើតនៅឯតៃវ៉ាន់ ដែលខុសពីការយល់ឃើញមួយចំនួនរបស់អ្នកគាំទ្រ គិតថានាងស្ថិតនៅកូរ៉េខាងត្បូង។
ប៉ុន្តែអ្វីដែលចង់បញ្ជាក់កុំឲ្យគ្នាយើងភ័ន្តច្រឡំនោះ គឺរូបភាពរបស់នាងមិនមែនស្ថិតនៅព្រឹត្តិការណ៍អូឡាំពិកនោះទេ ដោយនេះគ្រាន់ជាការចែកចាយរូបភាពចាស់តគ្នាពីអ្នកគាំទ្រប៉ុណ្ណោះ តែចៃដន្យអីវាផ្ទុះការចាប់អារម្មណ៍នៅកំឡុងព្រឹត្តិការណ៍ក្នុងទីក្រុង Tokyo កំពុងដំណើរការ ទើបនាំឲ្យមានការយល់ច្រឡំបែបហ្នឹង។
មនុស្សជាច្រើនដាក់រហស្សនាមឲ្យ Tzuyu ថាជា “តុក្កតាបាញ់ធ្នូ” ដែលមានសម្រស់ស្រស់ស្អាតបំផុត ប្រៀបដូចជាតារាស្រីក្នុងខ្សែភាពយន្តអ៊ីចឹង៕
ទស្សនាវីដេអូខាងក្រោម៖