លោក Ronald Koeman អ្នកចាត់ការក្រុម FC Barcelona បានចាត់ទុកកីឡាករចំណូលថ្មី Memphis Depay ជាខ្សែប្រយុទ្ធសំខាន់ម្នាក់ក្នុងក្រុមទៅហើយ។
ខ្សែប្រយុទ្ធពាក់អាវលេខ៩ចំណូលថ្មីខាងលើនេះបានចូលប្រកួតដំបូងឱ្យក្រុមអ្នកមានបុណ្យហើយ និងរកបានគ្រាប់បាល់១គ្រាប់ផងដែរ ដោយប៉េណាល់ទី។ ក្រោយពីលេងបាន១ប្រកួតនោះមក លោក Koeman មើលឃើញថាអតីតកីឡាករ Manchester United រូបនេះ នឹងក្លាយជាកីឡាករសំខាន់ម្នាក់ក្នុងក្រុមនៅថ្ងៃអនាគតជាក់ជាមិនខាន។
អ្នកចាត់ការសញ្ជាតិហុល្លង់បាននិយាយថា៖ “ខ្ញុំគិតថាគាត់លេងល្អ។ គាត់ជាកីឡាករមានសមត្ថភាព ហើយគាត់បានបង្ហាញវារួចហើយ។ គាត់ជាមនុស្សសំខាន់សម្រាប់យើង ព្រោះយើងត្រូវការការប្រកួតប្រជែងកម្រិតកំពូល។ ខ្ញុំសប្បាយចិត្តចំពោះការបង្ហាញសមត្ថភាពលើកដំបូងរបស់គាត់”៕ប្រភព Marca
