Romano Fenati ត្រូវបានសមាជិកក្រុមបណ្ដេញចេញ និងត្រូវជាប់ពិន័យមិនឱ្យប្រកួត១ជីវិត ក្រោយពីរកឃើញថារូបគេព្យាយាមទៅចាប់ហ្វ្រាំងដៃគូប្រកួត ក្នុងល្បឿន 140mph ក្នុងការប្រកួតនៅ San Marino ។
ការប្រកួត San Marino Moto2 មានរឿងចម្លែកនិងកម្រមានបំផុតបានកើតឡើង ដោយកីឡាករ Fenati បានបង្កកំហុស មិនអាចលើកលែងបាន យកដៃទៅចាប់ហ្រ្វាំងកីឡាករអ៊ីតាលី Stefano
Manzi អំឡុងពេលប្រកួត ល្បឿនដល់ 140 mph ទៅហើយនោះ។ ការធ្វើដូច្នេះពិតជាបង្កគ្រោះថ្នាក់ខ្លាំងណាស់ ប៉ុន្តែជាសំណាងហើយ ដែល Manzi មិនដួលនោះ។
ក្រោយកើតហេតុនេះភ្លាម Fenati បានធ្វើការសុំទោសជាសាធារណៈផងដែរ ប៉ុន្តែដោយសារតែវាជា
កំហុសធំពេក ទើបក្រុមរបស់គេសម្រេចបណ្ដេញរូបគេចោល និងដាក់បម្រាមហាមប្រកួតប្រណាំងម៉ូតូ១ជីវិតតែម្ដង។
សូមបញ្ជាក់នេះជាលើកទី២ហើយ ដែលកីឡាកររូបនេះបង្ករឿងដូច្នេះ ខណៈដែលលើកទី១នោះ រូបគេបានយកជើងធាក់ដៃគូប្រកួត៕ប្រភពDailyMail