Harry Kane ត្រូវបានប្រភពនៅអង់គ្លេសបញ្ជាក់ថាអាចចេញពីក្រុម Spurs បានហើយ ក្រោយពីប្រធានក្លឹបយល់ព្រម ប៉ុន្តែត្រូវមានតម្លៃផ្ដាច់កុងត្រា១៦០លានផោន។
Kane បានប្រាប់ទៅក្រុម Spurs ថារូបគេចង់ចាកចេញនៅរដូវកាលនេះ បន្ទាប់ពីចំណាយពេលជាច្រើនឆ្នាំជាមួយយគ្នាមក។ ស្របពេលក្រុម Manchester City ក្រោមការដឹកនាំរបស់លោក Pep គឺជាបេក្ខភាពឈានមុខគេក្នុងការនាំយកកីឡាករអង់គ្លេសនេះទៅ ដោយពួកគេបើកការចរចាជាច្រើនលើកមកហើយ។
ជាមួយគ្នានេះដែរ លោក Daniel Levy ប្រធានក្លឹប Spurs នៅពេលនេះក៏មិនឃាត់អ្វីទៀតដែរក្នុងការផ្ទេរទៅលេងនៅ Man City នោះ។ តែយ៉ាងណា ក្រុមមេឃខៀវ ត្រូវបង់ផ្ដាច់កុងត្រារបស់គេសិន ក្នុងតម្លៃ១៦០លានផោន។ ដោយតម្លៃនេះ ហាក់ថ្លៃជាងតម្លៃដែលក្រុម Man City ដាក់ឱ្យបន្តិច ព្រោះកន្លងមកពួកគេដេញថ្លៃត្រឹម១០០លានផោនប៉ុណ្ណោះ៕ប្រភព៖ DailyMail
