ខ្សែការពារ Raphael Varane បានយល់ព្រមលក្ខខណ្ឌផ្ទាល់ខ្លួនជាមួយក្រុមបិសាចក្រហម Manchester United ហើយ ដោយនៅរង់ចាំតែការចរចាតម្លៃផ្ទេររវាងក្លឹបទាំងពីរប៉ុណ្ណោះ។
ក្រុមបិសាចក្រហមបានដាក់សំណើរលើកទី១ទៅ Real Madrid ទៅហើយ ប៉ុន្តែត្រូវបានច្រាលចោល។ តែយ៉ាងណាក្លឹបទាំងពីរនឹងបន្ដចរចាគ្នាទៀត ព្រោះក្រុមអធិរាជសក៏ទំនងជាមិនចង់ឃាត់កីឡាករបារាំងរូបនេះបន្ដទៀតដែរ តែគ្រាន់ចង់បានតម្លៃផ្ទេរខ្ពស់បន្តិចប៉ុណ្ណោះ។ ខណៈដែលកុងត្រាចាស់របស់គេវិញ នៅសល់ត្រឹម១ឆ្នាំទៀតប៉ុណ្ណោះអស់ហើយ។
ជាមួយការយល់ព្រមលក្ខខណ្ឌផ្ទាល់ខ្លួនហើយនោះ Varane នឹងមិនប្រញាប់ចំពោះការផ្ទេរនោះទេ។ ដោយអាចនឹងឱ្យក្រុម Man Utd ចរចាតាមសម្រួលតែម្ដងជាមួយក្រុម Real Madrid ។ ដោយតម្លៃខ្លួនរបស់គេទំនងជាប្រមាណ៤០លានផោន៕ប្រភព៖ GOAL
