ក្រុម U23 របស់ប្រេស៊ីល បានយកឈ្នះលើក្រុម U23 របស់អាល្លឺម៉ង់ក្នុងលទ្ធផល ៤-២ សម្រាប់ការប្រកួតបើកឆាកព្រឹត្តិការណ៍ដណ្ដើមមេដាយមាសអូឡាំពិកនៅយប់មិញនេះ។
Richarlison ខ្សែប្រយុទ្ធរបស់ក្រុម Everton រកបាន៣គ្រាប់ម្នាក់ឯងនៅតង់ទី១ ជួយឱ្យប្រេស៊ីលមានទំនុកចិត្តសម្រាប់តង់ទី២។ តែយ៉ាងណាមិញ អាល្លឺម៉ង់ក៏មិនណយដែរ ពួកគេរកគ្រាប់បាល់បាន២គ្រាប់នៅនាទី៥៧ និង៨៤ មុនពេល Paulinho ថែមគ្រាប់បាល់ទី៤ឱ្យក្រុមជម្រើសជាតិប្រេស៊ីលបាន។ បញ្ចប់ការប្រកួត U23 ប្រេស៊ីល បានយកឈ្នះលើក្រុម U23 អាល្លឺម៉ង់ក្នុងលទ្ធផល ៤-២។
ក្នុងព្រឹត្តិការណ៍អូឡាំពិកនេះដែរ ប្រេស៊ីលនៅពូល D ជាមួយក្រុមអាល្លឺម៉ង់ អារ៉ាបីសាអូឌីត និងកូតឌីវ័រ។ ដោយប្រេស៊ីល នឹងប៉ះកូតឌីវ័រ មុនពេលប្រកួតចុងក្រោយប៉ះជាមួយ អារ៉ាបីសាអូឌីត៕ប្រភព៖ BBC
