សមាជិកក្រុម Boca Juniors បានចូលរួមក្នុងហិង្សាមួយ ជាមួយក្រុម Mineiro បន្ទាប់ពីពួកគេលេងចាញ់ក្នុងពានរង្វាន់ Copa Libertadores ។
ក្រុម Boca Junior របស់អាហ្សង់ទីន និង Atletico Mineiro របស់ប្រេស៊ីល ត្រូវប៉ះគ្នានៅវគ្គ១៦ក្រុមចុងក្រោយពានរង្វាន់ Copa Libertadores ។ សម្រាប់ការប្រកួតពានរង្វាន់នេះដែរ ក្រុមទាំងពីរមិនមានគ្រាប់បាល់កើតឡើងនោះទេ រហូតដល់ត្រូវកាត់សេចក្ដីដោយបាល់ប៉េណាល់ទី។ ដោយក្នុងនោះ Mineiro បានយកឈ្នះក្នុងលទ្ធផល ៣-១។
ក្រោយពីចប់ការប្រកួតនោះទៅ ស្រាប់តែកីឡាករ Boca Junior របស់អាហ្សង់ទីនមិនសុខចិត្តនោះទេ ព្រោះគិតថាអាជ្ញាកណ្ដាលកាន់ជើងខាងប្រេស៊ីល រហូតដល់មានជម្លោះខាងក្រៅទីលានថែមទៀត។ ក្នុងនោះដែរ គេក៏ឃើញមានវត្តមានរបស់កីឡាករ Marco Rojo ចូលរួមវាយតបគ្នាផងដែរ។ ដោយ Rojo បានទៅវាយសន្ដិសុខចូលមកឃាត់ថែមទៀត។
ជាលទ្ធផលឃើញថាសមាជិកក្នុងក្រុម Boca Junior ត្រូវបានប៉ូលិសចាប់ខ្លួនខ្លះផងដែរក្នុងហេតុការណ៍វាយគ្នានេះ៕ប្រភព Dailymail
