កំណត់ត្រាមិនចាញ់៤៤ប្រកួតរបស់ក្រុមបាល់ទាត់នារីអាមេរិក បានបញ្ចប់ហើយ ក្រោយពីពួកគេលេងចាញ់ក្រុមស៊ុយអែតក្នុងលទ្ធផល ៣-០ នៅបើកឆាកអូឡាំពិកម្សិលមិញនេះ។
ក្រុមបាល់ទាត់ជម្រើសជាតិនារីអាមេរិក ត្រូវបានគេទទួលស្គាល់ថាជាក្រុមចំណាត់ថ្នាក់លេខ១នៅលើលោកនេះហើយ។ តែយ៉ាងណាមិញ ស៊ុយអែត ក៏មិនអន់ដែរ ត្បិតឈរនៅលេខរៀងទី៥ក៏ដោយ ក៏ពួកគេអាចដាក់សម្ពាធលើក្រុមអាមេរិករហូតដល់ចប់ការប្រកួតតែម្ដង។ តាំងពីចាប់ផ្ដើមប្រកួតភ្លាម ស៊ុយអែត សម្រុកមែនទែន រហូតដល់មានគ្រាប់បាល់បន្ដបន្ទាប់ដល់ទៅ៣គ្រាប់។
ដោយនេះជាកំណត់ត្រាថ្មីមួយសម្រាប់ស៊ុយអែតដែលយកឈ្នះលើក្រុមអាមេរិកបាន ជាពិសេសបញ្ចប់កំណត់ត្រាមិនចាញ់៤៤ប្រកួតរបស់ជើងខ្លាំងនារីអាមេរិកបានទៅហើយ៕ប្រភព Dailymail
