លោក Arsene Wenger បានព្រមានកូនក្រុមរបស់ខ្លួនថាមិនអាចមើលស្រាលទៅលើក្រុម Atletico Madrid បានឡើយ ព្រោះលេងនៅដីរបស់ពួកគេ ពិតជាមិនងាយស្រួល។
នៅរាត្រីនេះដែរ ក្រុម Arsenal ត្រូវទៅប្រកួតជើងទី២ជាមួយក្រុម AT Madrid ពានរង្វាន់ Europa League វគ្គពាក់កណ្ដាលផ្ដាច់ព្រ័ត្រ។ ដោយកាលពីជើងទី១កន្លងទៅ កាំភ្លើងរបស់អង់គ្លេសបានត្រឹមស្មើជាមួយ AT ១-១ ប៉ុណ្ណោះ។ ទន្ទឹមគ្នានេះដែរ អ្នកចាត់ការ Wenger បានប្រាប់ទៅកូនក្រុមរបស់ខ្លួនថា នេះជាពានរង្វាន់សំខាន់សម្រាប់ក្លឹប ហើយវាជាពានរង្វាន់ចុងក្រោយរបស់លោកផងដែរ។ ការប្រកួតនៅរាត្រីនេះ នឹងតានតឹង ត្បិតអី AT ជាក្រុមខ្លាំងតំបន់ការពារ ហើយវាយបកបានលឿនថែមទៀត។
Arsenal មានប្រវត្តិល្អមួយជាមួយក្រុមនៅអេស្ប៉ាញ ដោយកាលប៉ះ Real Madrid នាឆ្នាំ២០០៦កន្លងទៅនោះ ពួកគេយកឈ្នះក្នុងលទ្ធផល ១-០។ គ្រានោះ Thierry Henry ជាអ្នករកគ្រាប់បាល់បាន៕