វត្តមានរបស់លោក Joan Laporta ប្រធានក្លឹប FC Barcelona ពិតជាបានជួយច្រើនមែនទែន ជាពិសេសស្រោចស្រង់ស្ថានភាព វិបត្តិសេដ្ឋកិច្ចរបស់ក្រុមអ្នកមានបុណ្យតែម្ដង។
អ្វីដែលកាន់តែពិសេសថែមទៀតនោះ លោកអាចបញ្ចុះបញ្ចូលឱ្យ Lionel Messi បន្ដកុងត្រាបន្ថែមបានទៀត។ បើទោះជាមិនទាន់ផ្លូវការ ប៉ុន្តែប្រភពជឿជាក់បានបញ្ជាក់ថា Messi បានយល់ព្រមបន្ដលេងឱ្យក្រុម Barcelona ទៀតហើយ ដោយអាចនឹងបន្ដកុងត្រា៥ឆ្នាំទៅមុខ ជាមួយការយល់ព្រមកាត់ប្រាក់ឈ្នួល៥០%ឯណោះ។
ជោគជ័យលើរឿងនេះហើយ លោក Laporta នៅសប្ដាហ៍នេះ នឹងបន្ដការងារបន្ថែមទៀត ដោយទាក់ទងជាមួយភ្នាក់ងារកីឡាករដែលមានតម្លៃខ្លួនខ្ពស់ក្នុងក្លឹប ដើម្បីស្នើសុំកាត់ប្រាក់ឈ្នួលដូចគ្នា។ Gerard Pique, Sergio Busquets, Sergi Roberto និង Jordi Alba សុទ្ធតែត្រូវកាត់ប្រាក់ឈ្នួលខ្លះ ដោយអាចនឹងដល់៤០%ដែរ។ គេក៏សង្ឃឹមថា ដំណើរការនេះនឹងសម្រេច ព្រោះ Messi បន្ដកុងត្រាថ្មី ហើយកាត់ដល់៥០%៕ប្រភព៖ MARCA
