លោក Ole Gunnar Solskjaer បានអះអាងថាខ្សែប្រយុទ្ធ Jesse Lingard ស្ថិតក្នុងបញ្ជីកីឡាករប្រើប្រាស់សម្រាប់រដូវកាលថ្មីខាងមុខនេះ។
Lingard កាលពីរដូវកាលមុនបានចំណាយពេលលេងឱ្យក្រុម West Ham ក្រោមលក្ខខណ្ឌខ្ចីជើង។ ការលេងនៅទីនោះ រូបគេពិតជាធ្វើបានល្អមែនទែនដោយរកបានដល់៩គ្រាប់ក្នុងការបង្ហាញខ្លួន១៦ប្រកួត។ ខណៈដែលត្រលប់មក Man Utd វិញនេះ កាលពីយប់មិញ រូបគេក៏បានចូលលេងនៅតង់ទី២ ទល់ក្រុម Derby នាប្រកួតមិត្តភាពផងដែរ។
លោក Ole បានបង្ហាញចំណាប់អារម្មណ៍ថា៖ “Jesse ទើបត្រលប់មកវិញ។ គាត់ចង់ប្រយុទ្ធដើម្បីស្វែងរកកន្លែងរបស់គាត់ ហើយវាមិនមានអ្វីសប្បាយចិត្តជាងឃើញកីឡាករប្រឹងប្រែងដើម្បីស្វែងរកកៅអីលេងនោះទេ។ Jesse គឺកំពុងស្ថិតក្នុងគម្រោងរបស់យើងផងដែរនៅពេលនេះ”៕ប្រភព៖ DailyMail