ខ្សែការពារ Achraf Hakimi បានឆ្លងមេរោគកូវីដ១៩ទៅហើយ ក្រោយពីធ្វើតេស្ដរកឃើញវិជ្ជមានមុនការប្រកួតមិត្តភាពទល់ក្រុម FC Chambly។
កីឡាករវ័យ២២ឆ្នាំខាងលើនេះត្រូវលេងកម្ដៅសាច់ដុំក្នុងការប្រកួតទល់ក្រុម FC Chambly កាលពីម្សិលមិញនេះ ប៉ុន្តែដោយសារតែវិជ្ជមានកូវីដ១៩ រូបគេតម្រូវឱ្យនៅដាច់ដោយឡែក១០ថ្ងៃសិន។ អតីតកីឡាករ Inter Milan ខាងលើនេះ ត្រូវបានក្រុម PSG ទិញចូលក្នុងតម្លៃខ្លួន៤០លានអឺរ៉ូ ជាមួយកុងត្រារហូតដល់ទៅ៥ឆ្នាំឯណោះ។
យុវជនរបស់ក្រុម Real Madrid រូបនេះ រដូវកាលមុនទើបតែជួយក្រុម Inter Milan លើកពានរង្វាន់ Serie A ក្រោយពីខកខានជាច្រើនឆ្នាំមកហើយ។ កីឡាករជម្រើសជាតិម៉ារ៉ុករូបនេះ ចាប់ផ្ដើមលេចធ្លោអំឡុងលេងឱ្យក្រុម Dortmund ក្រោមលក្ខខណ្ឌខ្ចីជើងទី Real Madrid ៕