កីឡាការិនីជំនាញប្រយុទ្ធ Wondergirl Fairtex កំពុងស្រេកឃ្លាននឹងឱកាសប្រកួតក្នុងប្រភេទកីឡាថ្មី ប៉ុន្តែគេមិនទាន់បញ្ចប់ការប្រកួតមួយថៃនៅឡើយទេ។
Wondergirl បានថ្លែងបែបនេះ ៖«ហេតុផលនោះហើយដែលខ្ញុំមកហ្វឹកហាត់នៅក្លិប Fairtex ព្រោះខ្ញុំចង់ប្រកួតក្នុងក្បាច់គុន MMA។ ខ្ញុំមិនទាន់ប្រកួតក្នុងក្បាច់ MMA នៅឡើយទេ ប៉ុន្តែប្រកួតមួយថៃ និង ប្រកួតជឺជិតស៊ូបានពីរលើក។ បើសិនខ្ញុំមានឱកាសដើម្បីប្រកួតគុនចម្រុះ ខ្ញុំនឹងប្រកួតទោះប៉ះនរណាក៏ដោយ។ ប៉ុន្តែបើសិន [ខ្ញុំប្រកួត] ក្នុងមួយថៃ ខ្ញុំចង់ប្រកួតជាថ្មីជាមួយ Jackie [Buntan] »។
កីឡាការិនីវ័យ ២២ ឆ្នាំបានជួប Buntan ម្ដងរួចហើយនៅសង្វៀន ONE: FISTS OF FURY កាលខែកុម្ភៈ ហើយបន្ទាប់ពីដួលនៅទឹកទី១ មិនធ្លាប់ដួលបែបនេះពីមុនមក។
កីឡាការិនិអាមេរិក បានត្រលប់ទៅផ្ទះវិញក្រោយទទួលជ័យជម្នះដោយពិន្ទុជាឯកច្ឆន្ទ ប៉ុន្តែ Wondergirl ជឿថាគេអាចធ្វើរឿងឲ្យល្អប្រសើរឡើង បើសិនពួកគេជួបគ្នាជាលើកទី២។
កីឡាការិនីថៃបានបន្តថា ៖«Jackie Buntan! អបអរសាទរសម្រាប់ការប្រកួត ២ លើកចុងក្រោយរបស់អ្នក។ អ្នកធ្វើបានល្អ។ ខ្ញុំគ្រាន់តែចង់និយាយថា ខ្ញុំស្ថិតក្នុងដំណើរ [របស់ខ្ញុំ] កាន់តែរឹងមាំឡើង ហើយវាជាកិត្តិយសណាស់ដែលបានសងសឹកជាមួយអ្នក។ អ្នកជាកីឡាការិនីល្អមួយរូប»។
មុនពេលប៉ះ Buntan កីឡាការិនិថៃ Wondergirl បានបង្ហាញពីរប្រកួតដំបូងនៅសង្វៀនលំដាប់ពិភពលោកប្រកបដោយភាពគឃ្លើន និង ការបញ្ចប់គូប្រកួតប្រកបដោយគ្រោះថ្នាក់។
កីឡាការិនីថៃ បានផ្ដួល Brooke Farrell ឲ្យ សន្លប់ ត្រឹម ៨១ វិនាទី នៅកម្មវិធី ONE: NO SURRENDER III និងបន្ទាប់មកទៀត រូបគេបញ្ចប់ KC Carlos នៅ ទឹក ទី២ ឯព្រឹត្តិការណ៍ ONE: A NEW BREED។
យ៉ាងណាក្ដី កីឡាការិនីដដែលមើលទៅការប្រកួតខុសគ្នាពីមុន បន្ទាប់ពីដួលដោយសារ Buntan។
Wondergirl ៖«វាជាការបង្កកំហុសតិចតួច [ពីខ្ញុំ] ប៉ុន្តែ វាជារឿងគ្រប់គ្រាន់សម្រាប់កណ្ដាប់ដៃដែល [គេវ៉ៃខ្ញុំចំភ្នែក] ហើយ ខ្ញុំមិនអាចមើលឃើញអ្វីទាំងអស់។ បើសិនខ្ញុំអាចប្រកួត [សងសឹក] ខ្ញុំត្រូវធ្វើការងារឲ្យល្អលើភាពអំណត់របស់ខ្ញុំ។ ខ្ញុំត្រូវមានផែនការថ្មី។ ប៉ុន្តែ វាមិនអីទេ ខ្ញុំនៅល្អនៅឡើយ។ ខ្ញុំអាចចាញ់ និងរៀនអំពីវា។ ការប្រកួតសងសឹក គឺជារឿងល្អ»។
សិស្សគុនមកពីក្លិប Fairtex កំពុងបង្កើនការហ្វឹកហាត់ឲ្យខ្លាំងថែមទៀត ដើម្បីជំរុញក្នុងការសងសឹកក្នុងក្បាច់មួយថៃ និងរៀបចំសម្រាប់ការប្រកួតគុនចម្រុះលើកដំបូង។
ពេលនេះ Wondergirl ក៏ព្យាយាមហ្វឹកហាត់ផង និងធ្វើឲ្យរបួសល្អប្រសើរលើងផងមុនពេលត្រលប់ទៅកាន់សង្វៀនជាថ្មី។
កីឡាការិនីដដែលសង្កត់ធ្ងន់ថា ៖«វាជារឿងលំបាកមួយ ព្រោះខ្ញុំហ្វឹកហាត់ដូចធម្មតា តែវាមិនងាយស្រួលទេ។ វាជាការធុញទ្រាន់មួយ។ ប៉ុន្តែ វាល្អដើម្បីធ្វើឲ្យរបួសរបស់ខ្ញុំឆាប់ជាសះស្បើយ – មិនមែន [មុខរបស់ខ្ញុំទេ] ប៉ុន្តែ នៅលើស្មារបស់ខ្ញុំ ហើយរបួសនោះទើបតែជាសះស្បើយ ដោយសារខ្ញុំបានសម្រាកបានច្រើន»។