ខ្សែបម្រើ Riyad Mahrez បានបញ្ជាក់ថាមិនមានគម្រោងចាកចេញពីក្រុម Manchester City ទេ ព្រោះរូបគេមើលមិនឃើញមានក្រុមណាល្អជាងនេះទៀតឡើយ។
អតីតកីឡាករ Leicester City ខាងលើបានឈ្នះពានរង្វាន់ Premier League , FA Cup និង Carabao Cup ជាមួយក្រុម Manchester City នាប៉ុន្មានឆ្នាំមកនេះ។ ខណៈដែលរូបគេក៏មិនមានចិត្តចង់ចាកចេញទៅណា ឬលេងឱ្យក្លឹបណាក្រៅពីក្លឹប Man City នេះដែរ ព្រោះលីគអង់គ្លេសគឺជាលីគដែលរូបគេមើលឃើញថាល្អជាងគេនៅលើលោកនេះហើយ។
Mahrez បាននិយាយថា៖ “ខ្ញុំមិនបានឃើញអ្វីដែលខ្ពស់ជាង Manchester City ទេ។ ព្យាយាមឈ្នះលីគដទៃទៀត? ទេ ខ្ញុំស្រលាញ់អង់គ្លេស និងបាល់ទាត់ទីនេះ គឺអស្ចារ្យ។ ខ្ញុំមិនចង់ចាកចេញទៅណាទេ។ ខ្ញុំនៅមានគោលដៅច្រើនទៀតនៅទីនេះ”៕ប្រភព៖ GOAL
