ក្រុមតោខៀវ Chelsea កំពុងស្វះស្វែងរកវិធីដើម្បីទិញខ្សែប្រយុទ្ធ Erling Haaland ឱ្យបានពីក្រុម Dortmund នារដូវកាលដោះដូរកីឡាករនេះ។
Haaland វ័យ២០ឆ្នាំគឺជាខ្សែប្រយុទ្ធដែលលោក Thomas Tuchel អ្នកចាត់ការក្រុម Chelsea ចង់បានជាងគេ។ តែតម្លៃខ្លួនរបស់គេវិញ ក្រុម Dortmund បានដាក់ដល់ទៅ១៥០លានផោនឯណោះ ដែលជាតម្លៃខ្លួនខ្ពស់ខ្លាំងមែនទែន។ ក្រុម Chelsea ពិបាកក្នុងការចំណាយដល់ទៅ១៥០លានផោនដើម្បីទិញកីឡាករម្នាក់ណាស់ ទើបពេលនេះពួកគេកំពុងរកវិធីផ្សេងដើម្បីបន្ថយតម្លៃបន្តិច។
ដោយក្នុងនោះ Chelsea បានដាក់បញ្ចូលខ្សែប្រយុទ្ធ Abraham ក្នុងការស្នើសុំទិញយក Haaland ផងដែរ។ សំណើរនេះ នឹងបន្ថយតម្លៃខ្លួនរបស់កីឡាករន័រវែសខាងលើច្រើន ប្រសិនបើត្រូវគ្នា ព្រោះ Abraham ក៏ជាកីឡាករឆ្នើមម្នាក់ និងវ័យក្មេងផងដែរ។ តម្លៃខ្លួនរបស់គេ ត្រូវបានគេដឹងថាប្រមាណជា៥០លានផោន៕ប្រភព Dailymail
