ក្លឹប Atletico Madrid បាននាំចូលកីឡាករថ្មីម្នាកហើយ គឺខ្សែបម្រើ Rodrigo De Paul ពីក្រុម Udinese ក្នុងតម្លៃខ្លួន៣៥លានអឺរ៉ូ ជាមួយកុងត្រារហូតដល់៥ឆ្នាំឯណោះ។
De Paul បានបង្ហាញទម្រង់លេងយ៉ាងល្អជាមួយក្រុមជម្រើសជាតិអាហ្សង់ទីនក្នុងពានរង្វាន់ Copa America កន្លងទៅនេះ ហើយក៏បានជួយប្រទេសនេះឈ្នះពានរង្វាន់ជាលើកដំបូងក្នុងរយៈពែល២៨ឆ្នាំចុងក្រោយផងដែរ។ រូបគេបានធ្វើតេស្ដសុខភាពកាលពីថ្ងៃចន្ទកន្លងទៅ មុនធ្វើការបង្ហាញខ្លួនជាផ្លូវការឱ្យក្រុម AT Madrid អមជាមួយកុងត្រា៥ឆ្នាំ។
កីឡាករវ័យ២៧ឆ្នាំខាងលើនេះ កាលពីរដូវកាលមុនលេងឱ្យក្រុម Udinese រកបាន៩គ្រាប់ និងបញ្ជូនបាល់ឱ្យមិត្តរួមក្រុមបាន១០គ្រាប់ផងដែរក្នុងលីគ Serie A ។ លោក Simeone អ្នកចាត់ការក្រុម AT Madrid បានសរសើរកីឡាករខាងលើតាំងពីឆ្នាំ២០១៣មកម្ល៉េះ ថាជាកីឡាករអាហ្សង់ទីនដ៏ល្អម្នាក់៕ប្រភព Marca
