ខ្សែប្រយុទ្ធ Jack Grealish បានអះអាងថារូបគេបានសុំទាត់ប៉េណាល់ទីកាត់សេចក្ដីនៅវគ្គផ្ដាច់ព្រ័ត្រដែរ ប៉ុន្តែក្រុមការងារគ្រូបង្វឹកមិនយល់ព្រមឱ្យស្ថិតក្នុងបញ្ជី៥នាក់ដំបូងទេ។
នៅវគ្គផ្ដាច់ព្រ័ត្រពានរង្វាន់ Euro 2020 នេះ ក្រុមជម្រើសជាតិអង់គ្លេសបានបរាជ័យនៅវគ្គប៉េណាល់ទីកាត់សេចក្ដីជាមួយក្រុមអ៊ីតាលី បន្ទាប់ពីកីឡាករដល់ទៅ៣នាក់ទាត់មិនចូល។ ២នាក់ដំបូង Kane និង Maguire សុទ្ធតែសម្រេចទីបាន ប៉ុន្តែ៣នាក់ចុងក្រោយវិញ Rashford , Sancho និង Saka ធ្វើមិនបាននោះទេ។ កត្ដានេះហើយ ទើបធ្វើឱ្យអ៊ីតាលីយកឈ្នះបានក្នុងលទ្ធផល ៣-២។
ក្រោយពីចប់ការប្រកួតនេះទៅ Grealish ដែលជាអ្នកជំនាញខាងប៉េណាល់ទីម្នាក់ដែរនោះ បាននិយាយថា៖ “ខ្ញុំបាននិយាយថាខ្ញុំចង់ទាត់មួយ គ្រូបង្វឹកបានសម្រេចចិត្តត្រូវជាច្រើនកន្លងមក ហើយគាត់ក៏បានធ្វើវានៅរាត្រីនេះដែរ។ ប៉ុន្តែខ្ញុំមិនចង់ឱ្យគ្រប់គ្នាគិតថាខ្ញុំមិនចង់ទាត់នោះទេ នៅពេលដែលខ្ញុំពិតជាចង់រួមចំណែកទាត់មួយគ្រាប់ខ្លាំងណាស់”៕ប្រភព Dailymail
