អ្នកចាំទី Gianluigi Donnarumma បាននិយាយថា១គ្រាប់បើកឆាកភ្លាមៗរបស់អង់គ្លេស ស្ទើរតែសម្លាប់ទឹកចិត្តអ៊ីតាលីបានទៅហើយ ប៉ុន្តែនៅតង់ទី២គ្រប់យ៉ាងបានប្ដូរផ្លាស់ទាំងស្រុង។
ខ្សែការពារស្លាប Luke Shaw រកគ្រាប់បាល់ឱ្យអង់គ្លេសបានតាំងពីនាទីទី២ដើមតង់ទី១ម្ល៉េះ ដែលធ្វើឱ្យអ្នកគាំទ្រអង់គ្លេសសប្បាយចិត្តមែនទែន។ តែលទ្ធផលចុងក្រោយនៅតង់ទី២ ក្រុមអ៊ីទាលីក៏អាចរកគ្រាប់បាល់តាមស្មើវិញបាន និងលេងរហូតបានទទួលជ័យជម្នះនៅវគ្គប៉េណាល់ទីកាត់សេចក្ដីថែមទៀត។
ក្រោយពីចប់ការប្រកួត អ្នកចាំទី Gianluigi Donnarumma របស់អ៊ីតាលីដែលជាប់ជាកីឡាករល្អបំផុតប្រចាំព្រឹត្តិការណ៍ Euro 2020 នេះ បាននិយាយថា៖ “យើងដឹងថាយើងចេញមកពីណា និងមានគោលដៅអ្វី។ ១គ្រាប់បើកការប្រកួត ស្ទើរតែសម្លាប់យើងទៅហើយ ប៉ុន្តែនោះមិនមានជាអ្វីដែលយើងមាននោះទេ យើងជាក្រុមដែលមិនដែលបោះបង់ចោលឡើយ។ យើងព្យាយាមរហូតសម្រេចបំណងបាន”៕ប្រភព Football
