បុគ្គលិកក្រុមការងារ Media រហូតដល់ទៅ៣នាក់របស់ក្រុមជម្រើសជាតិអ៊ីតាលីត្រូវបានធ្វើតេស្ដវិជ្ជមានកូវីដ១៩ មុនការប្រកួតជាមួយក្រុមជម្រើសជាតិអង់គ្លេសនៅយប់ស្អែកនេះ។
អ៊ីតាលី កំពុងសម្រុកហ្វឹកហាត់ដើម្បីត្រៀមប្រកួតជាមួយអង់គ្លេសនៅវគ្គផ្ដាច់ព្រ័ត្រពានរង្វាន់ Euro 2020 ក្នុងកីឡដ្ឋាន Wembley របស់អង់គ្លេសផ្ទាល់។ យ៉ាងណាមិញនៅថ្ងៃនេះស្រាប់តែមានដំណឹងមិនល្អមួយកើតឡើង ដោយមានបុគ្គលិក Media ៣នាក់ឯណោះ បានវិជ្ជមានកូវីដ១៩ទៅហើយ។ កត្ដានេះបានធ្វើឱ្យក្រុមជម្រើសជាតិអ៊ីតាលីតាមដានសុខភាព និងធ្វើតេស្ដផងដែរ។
យ៉ាងណាមិញ សមាជិកក្រុមជម្រើសជាតិអ៊ីតាលីទាំងអស់មិនទាន់មានវិជ្ជមាននៅឡើយទេ ក្រៅពី៣នាក់ធ្វើការខាងផ្នែក Media នោះ។ ស្របពេលក្រុមទាំងមូលមុនមកលេងពានរង្វាន់ Euro 2020 នេះក៏បានចាក់វ៉ាក់សាំងការពារកូវីដ១៩រួចរាល់ហើយដែរ៕ប្រភព Dailymail
