ក្រុមសន្ដិសុខនៅកីឡដ្ឋាន Wembley នឹងត្រូវរឹតបន្ដឹងបន្ថែមទៀតសម្រាប់ការប្រកួតវគ្គផ្ដាច់ព្រ័ត្រពានរង្វាន់ Euro 2020 ខាងមុខនេះ។
អង់គ្លេស នឹងបើកកីឡដ្ឋាន Wembley ស្វាគមន៍ក្រុមអ៊ីតាលី នៅវគ្គផ្ដាច់ព្រ័ត្រពានរង្វាន់ Euro 2020 ។ សម្រាប់ការប្រកួតនេះដែរ រដ្ឋាភិបាលអង់គ្លេសបើកឱ្យអ្នកគាំទ្រចូលទស្សនាតែ៦ម៉ឺននាក់ប៉ុណ្ណោះ ក្នុងចំណោម៩ម៉ឺននាក់ដែលកីឡដ្ឋាននេះអាចផ្ទុកបាន។ តែគេរំពឹងថាអ្នកគាំទ្រដែលមិនបានសំបុត្រនឹងសម្រុកចូលទស្សនាដែរជាក់ជាមិនខាន។
ដោយសារតែដឹងច្បាស់បែបនេះហើយ ទើបអង់គ្លេសនឹងពង្រឹងផ្នែកសន្ដិសុខបន្ថែមទៀត ជាពិសេសកន្លែងត្រួតពិនិត្យសុខភាពតែម្ដង។ ខណៈដែលអ្នកគាំទ្រចូលទស្សនាការប្រកួតបាន លុះត្រាតែបានទទួលវ៉ាក់សាំងកូវីដ១៩គ្រប់គ្រាន់ និងមិនមានអាការៈអ្វីទាំងអស់៕ប្រភព Football
