លោក Bjorn Kuipers ដែលត្រូវបានគេដឹងថាជាអាជ្ញាកណ្ដាលមានជាងគេបំផុតនោះ នឹងក្លាយជាអ្នកកាត់សេចក្ដីក្នុងជំនួបអង់គ្លេស ប៉ះអ៊ីតាលី វគ្គផ្ដាច់ព្រ័ត្រពានរង្វាន់ Euro 2020 ខាងមុខនេះ។
UEFA បានធ្វើការសម្រេចចិត្តយកលោក Bjorn មកដឹកនាំការប្រកួតផ្ដាច់ព្រ័ត្រនេះ ក៏ដោយសារតែលោកមានគុណសម្បត្តិគ្រប់គ្រាន់ក្នុងការប្រកួតកន្លងមក។ ជាពិសេសលោកក៏ជាអាជ្ញាកណ្ដាលមានឈ្មោះល្បីម្នាក់ផងដែរក្នុងវិស័យបាល់ទាត់។ បុរសសញ្ជាតិហុល្លង់ខាងលើនេះ ក្រៅពីការងារអាជ្ញាកណ្ដាលទៅ លោកក៏មានមុខជំនួញដទៃទៀតដែរ ដូចជាបើកផ្សារទំនើបជាដើម។
ដោយសារតែមានការងារក្រៅច្រើននេះហើយ ទើបបានជាគេហៅលោកថាជាអាជ្ញាកណ្ដាលមានជាងគេនៅលើលោកនេះ។ ដោយត្រឹមឆ្នាំ២០១៦កន្លងទៅ លោកមានទ្រព្យសម្បត្តិជាង១០លានផោនទៅហើយ។ សម្រាប់វគ្គផ្ដាច់ព្រ័ត្ររវាងអង់គ្លេសនិងអ៊ីតាលី លោកជាអាជ្ញាកណ្ដាលក្នុងទីលាន អមដោយអាជ្ញាកណ្ដាល៤នាក់ទៀតមានហុល្លង់២នាក់ អេស្ប៉ាញម្នាក់ និងអាល្លឺម៉ង់ម្នាក់៕ប្រភព៖ DailyMail
