ខ្សែការពារ Sergio Ramos បានបញ្ជាក់ថារូបគេបដិសេធសំណើរពីក្រុម Manchester City និង Arsenal មុនពេលសម្រេចចិត្តចូលរួមជាមួយក្រុម PSG នេះ។
កាលពីម្សិលមិញនេះក្លឹបអ្នកមាន PSG បានប្រកាសជាផ្លូវការវត្តមានរបស់ Ramos ជាមួយកុងត្រាដល់ទៅ២ឆ្នាំឯណោះ បន្ទាប់ពីរូបគេបានចាកចេញពី Real Madrid ។ ក្នុងឱកាសបង្ហាញខ្លួននោះដែរ អតីតប្រធានក្រុមជម្រើសជាតិអេស្ប៉ាញខាងលើនេះ បានបង្ហើបថាមានក្លឹបអង់គ្លេស២ចាប់អារម្មណ៍មកលើរូបគេដែរ ប៉ុន្តែត្រូវបានសាមីខ្លួនបដិសេធវិញ។
Ramos បានបញ្ជាក់ថាក្លឹប២នោះគឺ Manchester City របស់លោក Pep និងកាំភ្លើងធំ Arsenal ។ ដោយក្រុម Arsenal បានដាក់សំណើរទៅខ្សែការពាររូបនេះល្អជាងគេ ពោលគឺផ្ដល់កុងត្រា២ឆ្នាំ ជាមួយតម្លៃពលកម្មដល់ ទៅ ១៥លានផោនក្នុង១រដូវកាលឯណោះ។ តែចុងក្រោយត្រូវ Ramos បដិសេធវិញ និងសម្រេចចិត្តមកលេងនៅ PSG ៕ប្រភព៖ DailyMail
