ខ្សែការពារ Giorgio Chiellini បាននិយាយថាក្រុមជម្រើសជាតិអង់គ្លេសល្អទាំងព្រមតែម្ដង ដោយគ្រាន់តែកីឡាករបម្រុងរបស់ពួកគេក៏អាចមានសមត្ថភាពលើកពានរង្វាន់ Euro 2020 នេះដែរ។
ក្រុមជម្រើសជាតិអ៊ីតាលី នឹងត្រូវប្រកួតជាមួយក្រុមជម្រើសជាតិអង់គ្លេសនៅយប់ថ្ងៃអាទិត្យខាងមុខនេះហើយ សម្រាប់វគ្គផ្ដាច់ព្រ័ត្រពានរង្វាន់ Euro 2020 នៅកីឡដ្ឋាន Wembley ។ ដោយមុនការប្រកួតនេះចាប់ផ្ដើម អ្នកវិភាគជាច្រើនបានមើលឃើញថាអង់គ្លេសឆ្នាំនេះជាឱកាសមាសឱកាសពេជ្រសម្រាប់ពួកគេដើម្បីឈ្នះពានរង្វាន់នេះជាលើកដំបូងហើយ។
ក្នុងនោះ Giorgio Chiellini ខ្សែការពារអ៊ីតាលីក៏បានមើលឃើញដូចគ្នា។ បុរសវ័យ៣៦ឆ្នាំបាននិយាយថាគ្រាន់តែកីឡាករបម្រុងអង់គ្លេសេក៏មានសមត្ថភាពគ្រប់គ្រាន់ក្នុងការឈ្នះពាននេះដែរ។ ពួកគេល្អទាំងព្រមតែម្ដង ទាំងសមត្ថភាព និងកាយសម្បទា។ តែយ៉ាងណា នៅប៉ះគ្នាខាងមុខនេះ ក្រុមអ៊ីតាលី មិនខ្លាចនោះទេ ពោលគឺលេងតាមអ្វីដែលបានត្រៀមទាំងអស់៕ប្រភព៖ DailyMail
