នៅជំនួប Liverpool-Barcelona កាលពីខែឧសភា ឆ្នាំ ២០១៩ មានក្មេងរើសបាល់ដ៏រហ័សមួយបានរំលេចវត្តមាននៅឯកីឡដ្ឋាន Anfield ដែលគេក៏ជាចំណែកជួយឲ្យ Liverpool អាចវាយបកយកឈ្នះទៅលើក្រុមអេស្ប៉ាញ ៤-០ ផងដែរ។
កាលនោះគេមានអាយុ ១៤ ឆ្នាំ មានឈ្មោះ Oakley Cannonier ដែលអ្នកប្រហែលជាចាំហើយពេលដែល Alexander-Arnold ទទួលបានការគប់បាល់ចូលទីលានយ៉ាងលឿន ហើយគេលើក Corner ឲ្យមិត្តរួមក្រុមស៊ុតបញ្ចូលទី។ ឥឡូវ Oakley មានអាយុ ១៧ ឆ្នាំ ដោយកន្លងមកគេលេងឲ្យ Liverpool ឈុតថ្នាលយុវជន តែពេលនេះគេបានជាប់កុងត្រាមកលេងឲ្យឈុត U18 ជាផ្លូវការហើយ។
កីឡាករសញ្ជាតិអង់គ្លេស គេលេងនៅតំណែងប្រយុទ្ធកណ្តាល ដែលអតីតកាលគេបង្វឹកចេញពីក្លឹប Leeds នៅឯទីក្រុងកំណើត។ យើងនឹងរង់ចាំមើល ថាអនាគតរបស់ Oakley ពេលបន្ទាប់ទៀតនឹងទៅជាបែបណា ហើយពេលណាទៅដែល Jurgen Klopp នឹងផ្តល់ឱកាសឲ្យគេទៅលេងនៅឈុតធំ?
ប្រភព៖ AF