លោក Luis Enrique ថាមិនពិបាកចិត្តនោះទេ បើទោះជាអេស្ប៉ាញចាញ់អ៊ីតាលីធ្លាក់ពីពានរង្វាន់ Euro 2020 នៅត្រឹមវគ្គពាក់កណ្ដាលផ្ដាច់ព្រ័ត្រក៏ដោយ។
អេស្ប៉ាញ និងអ៊ីតាលី លេង១២០នាទីបានត្រឹមស្មើគ្នាក្នុងលទ្ធផល ១-១ ប៉ុណ្ណោះ។ ដោយត្រូវកាត់សេចក្ដីដោយបាល់ប៉េណាល់ទីទៀត ក្នុងនោះអ៊ីតាលីជាអ្នកឈ្នះឡើងទៅវគ្គបន្ដ ក្នុងលទ្ធផល ៤-២។ ជាមួយលទ្ធផលនេះដែរ លោក Enrique គ្រូបង្វឹកក្រុមអេស្ប៉ាញបានអះអាងថាលោកមិនពិបាកចិត្តអ្វីនោះទេ ព្រោះបានឃើញកូនក្រុមលេងបានល្អទៅហើយ។
អតីតអ្នកចាត់ការក្រុម FC Barcelona បាននិយាយបន្ថែមបែបនេះថា៖ “វាមិនមែនជាយប់ពិបាកចិត្ត ប៉ុន្តែក៏មិនល្អសម្រាប់អ្នកគាំទ្រអេស្ប៉ាញដែរ។ យ៉ាងណានេះជាបាល់ទាត់ មានចាញ់មានឈ្នះ។ អ្នកត្រូវតែទទួលស្គាល់ និងអបអរជាមួយដៃគូរបស់យើងដែលបានឡើងទៅវគ្គបន្ដ”៕ប្រភព Skysports
