ក្រុមបាល់ទាត់ជម្រើសជាតិអ៊ីតាលី នឹងត្រូវប្រកួតជាមួយក្រុមបាល់ទាត់ជម្រើសជាតិអេស្ប៉ាញ សម្រាប់វគ្គពាក់កណ្ដាលផ្ដាច់ព្រ័ត្រពានរង្វាន់ Euro 2020 ។
មុនការប្រកួតនេះចាប់ផ្ដើម លោក Roberto Mancini គ្រូបង្វឹកក្រុមជម្រើសជាតិអ៊ីតាលីបានសរសើរខ្សែការពារកណ្ដាលទាំងពីររបស់ខ្លួនថាជាខ្សែការពារល្អបំផុតនៅលើលោកនេះហើយ។ Chiellini និង Bonucci បានក្លាយជារនាំងយ៉ាងរឹងមាំសម្រាប់ក្រុមអ៊ីតាលី។ បើទោះបីជាអាយុពួកគេច្រើនក៏ដោយ ក៏ទម្រង់លេងនៅតែល្អដដែល។
មិត្តរួមក្រុម Juventus ទាំងពីរនាក់នេះ បើបូកអាយុចូលគ្នាទៅគឺ៧០ឆ្នាំហើយ ប៉ុន្តែគ្រប់ការប្រកួតនៅតែធ្វើបានល្អ និងទទួលបានទំនុកចិត្តជានិច្ច។ នៅរាត្រីនេះ ទល់ក្រុមអេស្ប៉ាញ ពួកគេក៏ច្បាស់ថានឹងទទួលបានឱកាសចូលលេងជម្រើស១១នាក់ដំបូងដូចគ្នា៕ប្រភព Dailymail
