ជើងខ្លាំងហុល្លង់ Reinier de Ridder បាននិយាយថា សង្គ្រាមលើសង្វៀនជាមួយវីរបុរសភូមា Aung La N Sang បានចប់ហើយ បន្ទាប់ពីជួបគ្នាពីរលើកទទួលបានខ្សែក្រវាត់ពិភពលោកទាំងពីរលើក។ រូបគេចង់ស្វែងរកដៃគូប្រឈមថ្មី។
ONE Championship: ឥឡូវនេះ លោកយល់យ៉ាងណាពេលញគិតទៅដល់ជ័យជម្នះលើកទី២លើកីឡាករ Aung La N Sang នៅ “ONE on TNT IV?”
Reinier de Ridder: ខ្ញុំរីករាយចំពោះលទ្ធផល ហើយក៏កាន់តែសប្បាយចិត្តដែលបានឈ្នះខ្សែក្រវាត់ទី២ បើទោះជាខ្ញុំទទួលបានដំណឹងឲ្យប្រកួតត្រឹមតែ៦ថ្ងៃប៉ុណ្ណោះ។ ខ្ញុំរីករាយនឹងអាជីព ហើយចង់រកអ្វីដែលជាបញ្ហាប្រឈមថ្មីនាពេលខាងមុខ។
ONE: ប្រកួតលើកទី១ឈ្នះក្នុងទឹកទី១ តែលើកទី២ឈ្នះត្រឹមពិន្ទុ តើលោកមានអ្វីនិយាយពី Aung La N Sang?
RDR: មែនលើកទី២នេះបានឈ្នះត្រឹមពិន្ទុ តែខ្ញុំរីករេាយ។ ខ្ញុំមិនល្អគ្រប់គ្រាន់ដូចអ្វីដែលខ្ញុំធ្លាប់ខ្លាំងពីមុនទេ តែខ្ញុំក៏នៅតែអាចយកឈ្នះ ក្រោយពេលតស៊ូគ្នា៥ទឹក។ ជារួមខ្ញុំសប្បាយចិត្ត។
ONE: មុនពេលវ៉ៃលើកទី២ លោកដូចជារីករាយ និងជឿជាក់ខ្លួនថា គ្រប់គ្រាប់សម្រាប់់ការប្រកួតលើកទី២។ ពេលនោះប្រការអ្វីធ្វើឲ្យលោកមានទំនុកចិត្ត?
RDR: ខ្ញុំពិតជាមានអារម្មណ៍ទុកចិត្តលើខ្លួនឯងមែន។ ខ្ញុំពិតជារួចរាល់សម្រាប់ការប្រកួតមែន តែយលងត្រូវការពេលវេលារៀបចំផ្លូវចិត្តដែរ។ ខ្ញុំទទួលបានដំណឹងឲ្យប្រកួតជំនួសគេតែ៦ថ្ងៃប៉ុណ្ណោះ អីចឹងវាខ្លីពេកសម្រាកត្រៀមចិត្ត ហើយគ្រាន់តែរត់ការឯកសារគឺ៤ថ្ងៃទៅហើយ ដូច្នេះអត់បានសម្រួលអារម្មណ៍សោះ។
និយាយត្រង់ចុះ ខ្ញុំអត់សប្បាយចិត្តប្រកួតជាមួយគាត់ទេ។ វាពិតជាពិបាកជាងការប្រកួតលើកទី១កាលពីខែតុលា ឆ្នាំ២០២០ ដូច្នេះខ្ញុំចេះតែរីករាយ និងបង្ហាញការជឿជាក់ដើម្បីគាំទ្រខ្លួនឯង។
ONE: សម្លឹងមើលជើងខ្លាំងទម្ងន់ middleweight លោកទំនងជាសមជាមួយ Leandro Ataides សម្រាប់ក្បាច់វ៉ៃពីចម្ងាយ។ លោកគិតយ៉ាងដូចម្តេចដែរចំពោះគាត់?
RDR: ខ្ញុំគិតថា គាត់ជាដៃគូខ្លាំងក្លាម្នាក់សម្រាប់ខ្ញុំ។ ក្បាច់វ៉ៃរបស់គាត់ខ្លាំង ចេញអាវុធសាហាវ និងគ្រោះថ្នាក់ ហើយខ្ញុំរីករាយបើបានជួបគាត់ម្តងទៀត។ គាត់ជាដៃគូតែម្នាក់គត់ដែលខ្ញុំមិនអាចបញ្ចប់ពាក់កណ្តាលទឹកបាន ដូច្នេះវាពិតជាល្អ បើបានជួបគាត់ម្តងទៀត។ គាត់ជាកីឡាករប្រដាល់ដ៏ខ្លាំងម្នាក់ និងកាយសម្បទាក៏ល្អ។
ONE: ជើងខ្លាំងគួរឲ្យចាប់អារម្មណ៍ផ្សេងទៀតគឺ Vitaly Bigdash។ តើលោកគិតយ៉ាងណាចំពោះគាត់?
RDR: ល្អ គាត់ជាកីឡាករល្បីម្នាក់ មិនអីចឹង? គាត់បានដកខ្លួន ហើយខ្ញុំចូលខ្លួនជំនួស។ តាមពិតទៅ គាត់ធ្លាប់វ៉ៃជាមួយ Aung La ពីរដងរួចមកហើយ។ គាត់មិនសូវសកម្មលើសង្វៀនទេ។ ខ្ញុំគិតថា គាត់មិនទាន់សក្តិសមជាមួយខ្ញុំបំផុតនោះទេ។ តែបើគេរៀបចំឲ្យប្រកួត ខ្ញុំទទួល។
ONE: ចុះ Fan Rong? លោកបានយកឈ្នះពេលប្រកួតនៅ ONE លើកដំបូង តែក្រោយមកគាត់ក៏ប្រកួតឈ្នះ២ដងជាប់គ្នាដែរ?
RDR: បាទ គាត់ប្រកួតចុងក្រោយជាមួយ Yuri Simoes ដែលជាជើងឯក ADCC ម្នាក់។ គាត់ជាកីឡាករពូកែចំបាប់ម្នាក់ក្នុងលោក ហើយគាត់ពិតជាធ្វើឲ្យពិបាកដែរពេលនោះ។ គាត់មានក្បាច់បោកផ្តួលល្អ និងការពារក៏ល្អ។ គាត់មានអ្នកគាំទ្រច្រើន។
ONE: លោកធ្លាប់ប្រកាសចង់ជួប Brandon Vera បន្ទាប់ពីប្រកួតចុងក្រោយ តែកីឡាករ Vera បានចាញ់កីឡាករឥណ្ឌា Arjan Bhullar អស់ខ្សែក្រវាត់ពិភពលោក ONE Heavyweight បាត់ហើយ។ លោកគិតយ៉ាងណាចំពោះកីឡាករទាំងពីរ អាចជាដៃគូបន្ទាប់របស់លោកទេ?
RDR: អ្នកទាំងពីរអាចជាឱកាសបង្កើតប្រវត្តិសាស្ត្រមួយដែរសម្រាប់ខ្ញុំ ហើយខ្ញុំពិតជាចង់ជួបខ្លាំងណាស់។ ឥឡូវឃើញជើងឯកថ្មី ខ្ញុំចង់ចាប់អារម្មណ៍ម្ចាស់ខ្សែក្រវាត់ថ្មី។
ONE: ជើងឯកពិភពលោកថ្មី Arjan បាននិយាយថា គាត់ចង់បានខ្សែក្រវាត់ light heavyweight ពីលោក។ លោករីករាយដាក់ខ្សែក្រវាត់ឲ្យគាត់ដណ្តើមទេ?
RDR: ហេតុអីមិនអាច។ វាមិនមែនជាការប្រកួតព្រោះតែខ្សែក្រវាត់ទេ។ ខ្ញុំគ្រាន់តែដឹងថា ត្រូវធ្វើឲ្យក្លាយជាជើងខ្លាំងម្នាក់ដែលគេគ្រប់គ្នាចង់ជួបនៅលើផែនដី។
ONE: តើលោកយល់យ៉ាងណាចំពោះការប៉ះជាមួយអ្នកជំនាញចំបាប់ដូចជា Arjan?
RDR: ខ្ញុំនឹងចាប់គាត់ផ្តួលស្រួលបំផុត។ ជំនាញចំបាប់គឺជារបស់គាត់ តែមើលទៅគាត់មិនខ្លាំងខាងចំបាប់ទេ។ គាត់ល្អ ហើយចំបាប់ជាជំនាញដើមរបស់គាត់ តែមិនឃើញគួរឲ្យគ្រោះថ្នាក់ផង។