ខ្សែប្រយុទ្ធ Mikel Oyarzabal របស់អេស្ប៉ាញ បានព្រមានដល់ក្រុមអ៊ីតាលីថាអេស្ប៉ាញអាចយកឈ្នះគ្រប់ក្រុមជម្រើសជាតិទាំងអស់ មុនការប្រកួតវគ្គពាក់កណ្ដាលផ្ដាច់ព្រ័ត្រចាប់ផ្ដើម។
ក្រុមជម្រើសជាតិអេស្ប៉ាញ នឹងត្រូវប្រកួតជាមួយក្រុមជម្រើសជាតិអ៊ីតាលី សម្រាប់ការប្រកួតវគ្គពាក់កណ្ដាលផ្ដាច់ព្រ័ត្រនៅថ្ងៃទី៧ខែកក្កដាឆ្នាំ២០២១ខាងមុខនេះ។ ដោយក្រុមទាំងពីរខាងលើសុទ្ធតែធ្វើបានល្អដូចគ្នា តែគ្រាន់តែអេស្ប៉ាញហត់នឿយជាងបន្តិច ព្រោះត្រូវចំណាយ១២០នាទី ២ប្រកួតមកហើយ ទម្រាំដល់វគ្គពាក់កណ្ដាលផ្ដាច់ព្រ័ត្រនេះ។
បើទោះជាយ៉ាងនេះក្ដី Oyarzabal ខ្សែប្រយុទ្ធរបស់អេស្ប៉ាញបាននិយាយព្រមានទៅអ៊ីតាលីថា៖ “ប្រសិនបើយើងលេងតាមអ្វីដែលយើងចេះ យើងអាចយកឈ្នះគ្រប់គ្នាបាន។ អ៊ីតាលីជាក្រុមល្អ មានកីឡាករសំបូរបទពិសោធ ហើយវានឹងធ្វើឱ្យការប្រកួតជក់ចិត្ត។ ប៉ុន្តែយើងក៏មានគោលដៅដូចពួកគេដែរ គឺឈ្នះការប្រកួត”៕ប្រភព Italia
