ក្រុមអង់គ្លេស នឹងត្រូវប៉ះជាមួយក្រុមដាណឺម៉ាក នៅវគ្គពាក់កណ្ដាលផ្ដាច់ព្រ័ត្រពានរង្វាន់ Euro 2020 នៅកីឡដ្ឋាន Wembley ដែលជាកីឡដ្ឋានជាតិរបស់អង់គ្លេសតែម្ដង។
ការលេងនៅទឹកដីខ្លួនឯងនេះ នឹងធ្វើឱ្យក្រុមអង់គ្លេសមានប្រៀបច្រើនជាងក្រុមដាណឺម៉ាកជាក់ជាមិនខាន ខណៈដែលការប្រកួតនោះក៏នឹងបើកឱ្យអ្នកគាំទ្រ៦ម៉ឺននាក់ចូលទស្សនាថែមទៀត។ សម្រែកអ្នកគាំទ្រ នឹងធ្វើឱ្យកីឡដ្ឋា Wembley ក្លាយជារូងតោកំណាចរបស់អង់គ្លេសជាក់ជាមិនខាននៅថ្ងៃទី៨ខែកក្កដាឆ្នាំ២០២១ខាងមុខមិនខាន។
ចំពោះរឿងនេះដែរ Mason Mount កីឡាករឆ្នើមរបស់អង់គ្លេសបានបង្ហាញចំណាប់អារម្មណ៍ថា៖ “វាជារឿងមិនគួរឱ្យជឿដែលបានលេងនៅ Wembley ក្នុងវគ្គចែកពូល ហើយប៉ះអាល្លឺម៉ង់ថែមទៀត។ ការប្រកួតនៅទីនោះពិតជាពិសេសណាស់ ហើយវគ្គពាក់កណ្ដាលផ្ដាច់ព្រ័ត្រនឹងកាន់តែពិសេសថែមទៀត។ អ្នកកំពុងតែចូលក្នុងរូងតោ ដើម្បីប្រកួតបង្ហាញសមត្ថភាពហើយ”៕ប្រភព Dailymail
