បើតាមលោក Jorge Mendes ដែលជាភ្នាក់ងារទីផ្សារ បានបញ្ជាក់ថាខ្សែប្រយុទ្ធ Cristiano Ronaldo ចង់បន្ដលេងនៅក្លឹប Juventus ១រដូវកាលទៀត។
ក្រោមការដឹកនាំរបស់លោក Andrea Pirlo អាចនិយាយបានថាមិនជោគជ័យនោះទេ ដោយក្លឹប Juventus បាត់បង់ពានរង្វាន់ Serie A និងធ្លាក់ត្រឹមពីពានរង្វាន់ UEFA Champions League ថែមទៀត។ យ៉ាងណាមិញ ក្រោយពី Pirlo ចាកចេញទៅ និងលោក Max Allegri ត្រលប់មកដឹកនាំវិញនោះ ស្រាប់តែ Ronaldo បានប្ដូរចិត្តចង់បន្ដលេងនៅ Serie A ១រដូវកាលទៀតផងដែរ។
កីឡាករវ័យ៣៦ឆ្នាំមានក្លឹប២ចង់បានគឺ PSG និង Manchester United ប៉ុន្តែបើតាមភ្នាក់ងារទីផ្សាររបស់គេ គឺពេលនេះ Ronaldo មិនទាន់ចង់ចាកចេញពីអ៊ីតាលីឡើយ។ យ៉ាងណាមិញ រដូវកាលដោះដូរមិនទាន់បញ្ចប់ទេ គ្រប់យ៉ាងអាចកើតឡើង។ អតីតខ្សែប្រយុទ្ធ Real Madrid ខាងលើកំពុងសម្រាកជាមួយគ្រួសារសិន ក្រោយអស់ភារកិច្ចនៅ Euro 2020 ត្រឹមវគ្គ១៦ក្រុមចុងក្រោយ៕ប្រភព៖ DailyMail
